Muhtar Shahanov pen Bekbolat Tileýhanǵa úndeý joldap, jaýap almaǵan Turǵymbaı Erjan óziniń Youtube arnasyna qazirgi tańda "batyr" atanyp júrgender jaıly vıdeo júketedi dep jazady Qamshy.kz aqparat agenttigi. 

Vıdeoda aldymen Qazaqstanda qandaı opozısıa ornap turǵany, saılaýdan keıingi halyqtyń ahýaly jaıly sóz qozǵady. Sodan keıin baryp, bolashaqta qandaı jaǵdaılar bolatynyn joramaldap kórdi. Oppozısıoner:

"Men qazirden bastap sizderge áshkere qylaıyn. Kimniń kim ekenin bilip júrińizder. Men ártis, aqyn, sportshylardy zerttep júrmin. Júıeniń ishinde júrgender kim eken dep. Bekbolat Tileýhan, Muhtar Shahanov sonyń belsendi múshesi. Halyq túsindi opozısıanyń joq ekenin. Men de "Ult taǵdyry" degenderge aldanyp qaldym. Menen basqalar da sol partıany, Qosanovty synǵa alǵandar óte kóp. Barlyq áleýmettik jelilerdi qolǵa alǵan adam da bar. Men saıası alańda bir jyl júrip, Qosanovtyń kim ekenin bilemin. Basqalar uzaq jyldar júrip, sony kórmegen deısizder me? Barlyǵy júıe. Qoǵamnyń kóshbasshylary dep júrgen aqyndar, batyrlar, ártister barlyǵy sol jerde. Rınat Zaıtovta sol júıede. Qazirgi bizdiń batyr dep júrgen Qanat Islam, Genadıı Golovkın zamanaýı tilmen aıtqanda "chert" deýge de bolady. Ertedegi batyrlar el úshin janyn qurban etken. Olarda minez bolsa, "halyqqa qarsy jumys istemeımin" dese de bolady. Bizdi damytatyn adamdar, belsendiler. Burynǵy qoldanǵan jalǵan opozısıanyń tásilderinen basqa, jańa tásildi oılap tabýymyz kerek",- deıdi.

Halyqty jınap partıa ashqysy keletin Erjan Turǵymbaı qazirgi tańda Italıada júr. Ol ár efırin sol jaqtan júrgizip otyrady. Eldi birigýge shaqyrǵan oppozısıoner:

"Ultjandylardyń basyn biriktiremin",- deıdi.