Grýzıanyń burynǵy prezıdenti, Odessa oblysynyń eks-gýbernatory Mıhaıl Saakashvılı Poroshenkonyń ishimdikke qalaı qaraıtyny týraly aıtyp berdi dep jazady Qamshy.kz aqparat agenttigi. 

Ýkraınadaǵy prezıdent saılaýyndaǵy 2-týr aldynda Petr Poroshenko sońǵy ret 35 jyl buryn mas bolǵany týraly málimdeme jasaǵan edi. Onyń aıtýynsha, onyń ishimdikke qumarlyǵy týraly “reseılik uzynqulaq” taratyp júr degen.  

“Poroshenkonyń oıynsha, Ýkraınada sharap jasaı almaıdy. Men talaı ret odan sharap jasaýshylarǵa salyqty azaıtýdy suradym. Biraq onyń jaýaby “joq” bolatyn. Qazir joǵary baǵamen baj tólep, kúrdeli tirkeý prosedýrasynan ótý kerek”, - dedi Saakashvılı “112 Ýkraına” telearnasynyń efırinde.  

Saakashvılı aıtýynsha, Poroshenko jergilikti sharapty ishpeıdi. Óıtkeni, ol óziniń ortasyna saı bolǵysy keledi. 

Vladımır Zelenskıı Mıhaıl Saakashvılıge azamattyǵyn bergennen keıin, Ýkraınaǵa 29-mamyr kúni qaıtyp oraldy. Saıasatker ýkraındyq azamattyqtan 2 jyl buryn aıyrylǵan bolatyn. Bul týraly buıryqty 2017 jyly Poroshenkonyń ózi bergen bolatyn.