Óskemen qalasyndaǵy on qabatty úıdiń órtenýi saldarynan 6 adam qutqarylyp, 26 adam zalalsyzdandyrylǵan. Órttiń shyǵýyna elektr symdarynyń órtenýi sebep boldy dep habarlaıdy Qamshy.kz aqparat agenttigi Kazakhstan Today saıtyna silteme jasap.

"18-maýsym kúni saǵat 21:45-te 101 púltine Óskemen qalasyndaǵy Ótepov kóshesiniń boıynda ornalasqan on qabatty úıdiń órtke oranǵany týraly habar kelip tústi. Birinshi órt sóndirý qyzmetkerleri saǵat 21:51-de jetken. sol kezde qyzmetkerler úshinshi jáne segizinshi qabattar arasyndaǵy elektr shahtalarynan órt shyǵyp jatqanyn baıqady", - dedi QR İİM Tótenshe jaǵdaılar komıtetiniń baspasóz qyzmeti.

Órt sóndirýshiler eń aldymen 26 adamdy zalalsyzdandyrdy. Onyń 8-i balalar. 6 adam, onyń ishinde bireýi bala, qyzmetkerler kómegimen qutqaryldy. Ekeýi onynshy qabattan avtobaspaldaqpen túsirilse, qalǵandary úı ishindegi satymen túsken.

Qoldanǵan sharalardyń oń nátıje berýiniń arqasynda qyzmetkerler on qabatty sharpyǵan jalyndy 22:26 shamasynda aýyzdyqtady.

Órtti sóndirýge SHQO Tótenshe jaǵdaılar departamentiniń 19 qyzmetkeri men 6 tehnıkasy jumyldyrylǵan.