Shymkent ákimi Ǵabıdolla Ábdirahymov óz qalasyn eldiń eki megapolısi Nur-Sultan men Almatymen salystyrdy. Bul týraly Qamshy.kz aqparat agenttigi qala ákimdiginiń saıtyna silteme jasap habarlaıdy. 

Qala ákiminiń aıtýynsha, turǵyndarynyń arqasynda Shymkent áleýmettik-ekonomıkalyq jáne mádenı turǵydan damydy. 

“QR tuńǵysh prezıdenti – Elbasy Nursultan Nazarbaevtyń 2018 jylǵy 19 maýsymdaǵy Jarlyǵymen Shymkent elimizdegi úshinshi megapolıs atandy. Osylaısha Shymkent damýdyń jańa satysyna qadam basty”, - dedi qala ákimi. 

Ákim eldiń úsh megapolısi týraly óz oıyn bildirdi. 

"Elbasy «Bolashaq – mıllıondy qalalardyń qolynda» dep málimdegen edi. Mine, súıikti Shymkentimiz sondaı qalaǵa aınalyp keledi. Úshinshi megapolıs «aqyldy», «jasyl» ári qaýipsiz qala atanady. Shymkent jańa ıdeıalar halqymyzdyń dástúrimen qatar damyp, ótkenin umytpaıtyn, sonymen qosa jańa tehnologıalarǵa umtylatyn turǵyndar qalasyna aınaldy. Damý satysy boıynsha qalamyz Nur-Sultan men Almatyǵa jaqyndady. Myń jyldyq tarıhy bar qala ınvestısıa, joǵary ǵylym jáne ónerkásiptiń ortalyǵyna aınalady", - dedi Ábdirahymov.