Qazaqstan Respýblıkasy Prezıdentiniń saılaýy qoldanystaǵy zańnama normalaryna sáıkes ótkizildi Qamshy.kz aqparat agenttigi. Bul týraly QR Bas prokýratýsynyń baspasóz qyzmeti málimdeme jasady.

"El Prezıdentiniń saılaýynda saılaýshylardyń óz erkin bildirýiniń nátıjelerine kúmán týdyrýy múmkin quqyq buzýshylyqtar bolǵan joq", - delingen habarlamada.

Saılaý kezeńinde prokýratýramen 36 ákimshilik quqyq buzýshylyq týraly is qozǵalyp, sotqa jiberildi. Olardyń 30-y sottarmen qaraldy, 6-y qaralýda.

Basqa adamdar úshin daýys berý múmkindigin jasaý maqsatynda azamattarǵa búletender bergeni úshin ýchaskelik saılaý komısıasynyń 11 múshesi ÁQBtK-niń 110-baby boıynsha jaýapkershilikke tartyldy. Olarǵa 25 AEK kóleminde aıyppul salyndy.

9 saılaýshyǵa teń saılaý quqyǵy týraly talapty buzǵany úshin ÁQBtK–niń 108–baby boıynsha aıyppul salyndy (bir saılaýshy - bir daýys - bir búleten). Negizinen olar otbasy músheleri úshin búletender alǵan. Bul Nur-Sultan jáne Almaty qalalarynyń, Almaty, Shyǵys Qazaqstan jáne Túrkistan oblystarynyń turǵyndary. Osyndaı 4 is Jambyl oblysynyń mamandandyrylǵan ákimshilik sotynyń qaraýynda.

Prokýratýra organdarymen birqatar BAQ-ta, sondaı-aq áleýmettik jelilerde jarıalanǵan búletender salý men ózge de buzýshylyqtar týraly beınejazbalar boıynsha tekseris júrgizilýde. Málimetterdiń kópshiligi rastalmady.

Kóptegen beınejazbalarda oqıǵalar bolǵan ýchaskeler, aýdan, qala, oblys týraly derekterdiń joqtyǵyna baılanysty qalǵan faktiler boıynsha jumystar odan ári jalǵasýda.

Tekserý qorytyndysy boıynsha zańsyz áreketter anyqtalǵan jaǵdaıda kináli tulǵalardy jaýapkershilikke tartý úshin materıaldar sotqa beriletin bolady.