Búgin Qazaqstanda UBT bastaldy

/image/2019/06/20/0fb82c6c5ab83e1dfa33eddae386eb98_xl-900x_.jpg

Qazaqstannyń barlyq óńirinde ulttyq biryńǵaı testileý bastaldy dep habarlaıdy Qamshy.kz aqparat agenttigi sputniknews.kz saıtyna silteme jasap.

Bıyl UBT-ny júz myńnan astam túlek tapsyrady, olardyń memlekettik bilim grantyn jeńip alýǵa múmkindigi bar.

Elordada UBT-ny úsh JOO bazasynda tapsyrady: L.N. Gýmılev atyndaǵy Eýrazıa ulttyq ýnıversıteti, S. Seıfýllın atyndaǵy Qazaq agrotehnıkalyq ýnıversıteti jáne Qazaqstan ekonomıka, qarjy jáne halyqaralyq saýda ýnıversıteti

UBT-2019 qalaı ótip jatyr?

2019 jyly UBT 20-30 maýsym aralyǵynda 169 pýnktiniń bazasynda ótip jatyr. Testini 117 242 adam taspyrady, olardyń arasynda bıylǵy jáne byltyrǵy túlekter, kolej bitirgender bar.

2019 jyly testileý 16-shy ret ótkizilip otyr. Osy ýaqytqa deıin UBT-ny 1 mıllıon 800 myń adam tapsyrǵan eken.

Túlekterdiń bilimi qazaq, orys nemese aǵylshyn tilinde úsh mindetti jáne eki beıindi pán boıynsha tekseriledi. Mindetti pánder qataryna matematıkalyq saýattylyq, oqý saýattylyǵy jáne Qazaqstan tarıhy jatady.

Eki beıindi pán boıynsha test tapsyrmalarynyń sany 30. Onyń ishinde 20 tapsyrmanyń bir ǵana durys jaýabyn tańdaý kerek, qalǵan on tapsyrmada bir nemese birneshe durys jaýap bolýy múmkin.

Test jınaǵynda barlyǵy 120 suraq bar. Tapsyrmalardy oryndaýǵa 3 saǵat 50 mınýt beriledi. Túlek eń joǵary degende 140 bal jınaı alady.

UBT kezindegi tártip

UBT tapsyratyn jerlerde memlekettik komısıalar qurylǵan. Onyń quramyna quqyq qorǵaý organdary, qoǵamdyq birlestikter men buqaralyq aqparat quraldarynyń ókilderi endi.

Aýdıtorıalar uıaly baılanysty sóndirý qurylǵylary jáne vıdeokameralarmen jabdyqtalǵan.

UBT kezinde túlekterge aýdıtorıadan ruqsatsyz jáne jalǵyz shyǵýǵa, oryn aýystyrýǵa, testileý materıalyn aıyrbastaýǵa, gadjetterdi paıdalanǵa tyıym salynady.

Tártip buzylǵan jaǵdaıda testileý qorytyndysy joıylady.

Premer-mınıstr Asqar Mamın UBT kezinde túlekterdi tekserýdi durys júrgizýdi tapsyrdy.

UBT - 2019: shektik bal

Ulttyq joǵary oqý oryndaryna tapsyrýǵa qajetti shektik upaı - 65 bal. "Pedogogıka ǵylymdary", "Aýyl sharýashylyǵy jáne bıoresýrstar", "Veterınarıa" bilim salalary boıynsha 60 baldan tómen jınaýǵa bolmaıdy. Qalǵan joǵary oqý oryndaryna túsý úshin - kem degende 50 bal.

"Densaýlyq saqtaý jáne áleýmettik qamsyzdandyrý (medısına)" salasy boıynsha - 65 baldan kem emes (ár pánnen kem degende 5 baldan jınaý qajet).

Eger oqýǵa túser kezde talapkerlerdiń upaı sany birdeı bolsa, "Altyn belgi" ıegerine basymdyq beriledi.

UBT - 2019: qorytyndy qashan shyǵady?

UBT qorytyndysy testileý kúni belgili bolady. Sondaı-aq, Ulttyq testileý ortalyǵynyń resmı saıtynda jarıalanady.

Túlekter qansha bal jınaǵanyn @edugovkz_bot Telegram-boty arqyly bile alady. Ol úshin talapkerdiń jeke testileý nómirin engizse bolǵany.

UBT-da apelásıaǵa qalaı ótinish berýge bolady?

Apelásıaǵa ótinish UBT qorytyndysy jarıalanǵannan soń kelesi kúni saǵat 13.00-ge deıin qabyldanady. Apelásıa komısıasy olardy bir kúntizbelik kún ishinde qaraıdy.

Ótinish berýshi apelásıa komısıasynyń otyrysyna kelmese, onyń suraǵyn qarastyrmaıdy.

Ótinishti túlektiń ózi berýi tıis ári naqty pán men suraqty kórsetip, shaǵymyn negizdeýi qajet. Komısıa otyrysyna jeke kýáligi men tetileýge qatysýǵa ruqsat qaǵazyn alyp barý kerek.