N. Nazarbaev "Kemeńgerliktiń 30 jyly" atty konferensıada sóılegen sózinde Táýelsizdiktiń alǵashqy qıyn-qystaý jyldaryndaǵy jaǵdaılarǵa toqtalyp ótti dep habarlaıdy Qamshy.kz aqparat agenttigi. 

Elbasy konferensıa barysynda Keńes odaǵy ydyramaı turyp Gorbachev pen Elsınniń ózine premer-mınıstr bolýdy usynǵany týraly baıandady.

"Sol kezdegi bedeldi basshylar Gorbachev pen Elsın 1990 jyldardyń basynda maǵan SSRO premer-mınıstri bolýdy usynǵan bolatyn. Áli kúnge oılanamyn - olaı bolsa Qazaqstannyń ómiri qalaı bolar edi? Bul týraly aıtyp, talqylap jatatyndar bar. Ony talqylaý qıyn, biz qazir basqa joldamyz. Men ómirimdegi eń mańyzdy sheshimdi qabyldadym. Sol ýaqyttan bastap meniń basty mindetim - týǵan Qazaqstanymnyń taǵdyry boldy", - dedi Nazarbaev.