Bul suraqqa QR Bilim jáne ǵylym mınıstrligi joǵary jáne joǵary oqý orynan keıingi bilim departamentiniń dırektory Ádilet Toıbaev jaýap berdi dep jazady Qamshy.kz aqparat agenttigi. 

"Arysta Ulttyq biryńǵaı test tapsyratyn bir pýnkt bolatyn. Ol qaladaǵy №1 mektepte ornalasqan. Jalpy, bul óńirde 779 túlek test tapsyrýǵa ótinish qaldyǵan edi. Sonyń ishinde 772-si testileýden ótti. Iaǵnı 98 %-y tapsyrdy. Olar 21 jáne 23-maýsym kúnderi eki lekpen tapsyrdy. Keshe 24-maýsymda saǵat 09:00-de qaladaǵy №1 mektebinde apelásıalyq komısıa óz jumysyn bastaǵan bolatyn. Ókinishke qaraı, sol ýaqytta áskerı bólimshedegi jarylystan keıin komısıa jumysy toqtap qaldy", - deıdi Ádilet Toıbaev.

Onyń aıtýynsha, zardap shekken eshkim joq. Arys qalasynda bilim jáne ǵylym mınıstrliginiń 12 ókili jumys istegen.

"Qazirgi ýaqytta mınıstrliktiń 12 múshesi Shymkent qalasynda. Endi, 10-shildede elordaǵa qaıtady. Tek komısıa tóraǵasy sonda qalady. Jaǵdaı turaqtalǵan soń bul apelásıany ótkizetin bolamyz. Óıtkeni, apelásıany ótkizip úlgermedik. Áli 30-maýsymǵa deıin ýaqytymyz bar. Eger úlgermeı jatsaq, onyń ýaqytyn sozamyz", - dedi mınıstrlik ókili.

Usynǵan: Aqjibek Aralbek