Belsendi Álnur Iláshev óziniń feısbýk áleýmettik jelisinde Almatyda beıbit mıtıń ótkizýge birneshe ret talpynys jasap, aqyr sońynda ruqsat alǵanyn jarıalady dep habarlaıdy Qamshy.kz aqparat agenttigi.
Mıtıńke qatysty Almaty qalasynyń ákimdigi arnaıy qaýly shyǵardy.
Beıbit mıtıń 30 maýsym 2019 jyly, «Sary Arqa» kınoteatrynyń artynda ótedi. Mıtıńti saǵat 10.00-den 12:00-ge deıingi aralyqta ótkizýge ruqsat etilgen.
"Ózimiz jasaǵan birqatar jumystan keıin ǵana biz beıbit mıtıń ótkizýge ruqsat aldyq. Endi azamattardyń mıtıń ótkizý quqyǵyn negizdi qylý úshin beıbit sherýdi durys uıymdastyryp ótkizý kerek", - dep jazdy Alnýr Iláshev.
Iláshev Almaty qalasynyń ákimdiginde beıbit jıyn ótkizý úshin 36-shy ótinishin qaldyrǵan. Al 20 maýsymda ruqsatsyz mıtıńke qatysqany úshin ózin 10 kúnge qamaýǵa alý týraly talappen polısıa bólimine keledi. Ol ákimdikke ótinish qaldyryp, beıbit sherý ótkizýge ruqsat suraǵan bolatyn. Polısıa departamenti belsendiniń bul ótinishine 15 kúnniń ishinde jaýap beretinin aıtqan.
"Polısıa departamentiniń shtab basshysy Halıl Babalıev meniń aryzymdy oqydy, kózin alartyp, bunyń maǵan ne úshin kerek ekenin surady. Men bizdiń elimizde konstıtýsıalyq quqyqtardy iske asyrýǵa múmkindik bermeıtin keleńsiz jaǵdaılar bar ekenin aıttym. Ol meniń ótinishime 15 kúnniń ishinde jaýap beretinin aıtty", - dedi belsendi.
Pikir qaldyrý