Oqıǵanyń resmı málimdemesi shyqqan boıda Almatydan Arysqa attanǵan Qamshy.kz aqparat agenttiginiń qos tilshisi keshe ǵana myńdaǵan halyqty ábigerge salǵan qalanyń ishinde. Oqıǵa orynyna jýrnalıser qaýymyn búgin tús qaıta kirgizgen. Onyń ózinde jarylys bolǵan aımaqtardy emes, qalanyń ishin ǵana aralaýǵa ruqsat etipti. 

Qolhat 

Jýrnalıserdiń tabandap turyp alǵanynyń arqasynda ǵana oqıǵa orynyn kózben kórip, taspaǵa tartyp alý múmkindigi týdy. Jýrnalıserdiń barlyǵyna tómendegideı mátindegi qolhat jazǵyzyp, temir kıim kıgizip, qaýipsizdik sharalaryn jasap baryp ruqsat etti. 

Qazir Arys qalasynda mamyrajaı tirshilik ornaǵan. Adamdardyń kirýine tyıym salynsa da, qazirgi ýaqytta tótenshe jaǵdaılardyń aldyn alýǵa bólingen qyzmetkerler, áskerı qyzmetkerler qalada júr. 

Mal qyrylyp jatyr

"Órttiń arasynda qalǵan maldar sany óte kóp, olardyń basym bóligi iri qara. Barlyǵynyń qulaǵyndaǵy syrǵasy arqyly meken-jaıyn anyqtap egelerine alyp baryp beremiz. Eger anyqtalmasa onda bul sharýamen oblys aınalysady. Bizdi qazir kirgizbeı jatyr qalaǵa. Keshe túnde tyǵylyp kirip edik qýyp shyqty polısıalar. Ruqsat qaǵaz bermeı jatyr qolymyzǵa",- deıdi Sultan Jalǵasov.