Qyrǵyz eliniń basshysy Túrkistan oblysynda bolǵan apatty jaǵdaı týraly pikir bildirip, zardap shekkender men qaza tapqandardyń otbasyna kóńil aıtty dep jazady Qamshy.kz aqparat agenttigi.

• "Memleket basshysy Qasym-Jomart Toqaev pen Qyrǵyzstan prezıdenti Sooronbaı Jeenbekov telefonmen sóılesti. Kórshi eldiń prezıdenti Arys qalasynda bolǵan tótenshe jaǵdaıdan zardap shekkender men qaza tapqandarǵa kóńil aıtty", - dep habarlady Aqordanyń baspasóz qyzmeti.

Qyrǵyz eliniń basshysynyń aıtýy boıynsha, qazaq jerinde bolǵan jarylystardyń janyna batqanyn jetkizdi.

Toqaev óz kezeginde Jeenbekovke Qyrǵyzstannyń baýyrlas kóńili úshin alǵys aıtty.

Budan bólek, Reseı Federasıasynyń Qorǵanys mınıstri Sergeı Shoıgý Qazaqstannyń Qorǵanys mınıstri Nurlan Ermekbaevpen telefon arqyly sóılesip, jarylystardan zardap shekken turǵyndarǵa kóńil aıtty. Sondaı-aq, Arystaǵy jarylys saldarynan bolǵan órtti aýyzdyqtaýǵa kómek berýge daıyn ekenin jetkizdi.