Arystaǵy turǵyndarǵa azyq-túlik jetpeı jatyr dep jazady Qamshy.kz aqparat agenttigi. Bul týraly Azıza Ótegenova óziniń feısbýk paraqshasynda habarlady. 

–Turǵyndar buǵan laıyq emes edi. Turǵyndar kir-kir kıimmen júr, azyq-túlik jetispeı jatyr. Meniń kózimshe bir otbasyna tańǵy asqa 2 túıir nan ǵana berdi. Tamaq berildi, biraq óte az. Tez bitip qaldy. Barlyǵynyń qabaǵy qatyńqy, ashýly. Kóp balaly otbasylardyń sany kóp. Úsh kún boıy kir-kir kórpeshelerde meshittiń janynda túnep júr. Turǵyndar ózderine adamsha jaǵdaı jasalǵanyn qalaıdy. Tamaq ta, kıim-keshek te surap jatqan joq. Men muny kórip, shydaı almadym, - dep jazdy Azıza Ótegenova. 

Sonymen qatar, Azıza Ótegenova kóp balaly 1 aı páter jaldap turýǵa kómektesetinin aıtty. 

Aıta ketsek, "Arystaǵy jarylystyń kesirinen 3 adam qaıtys boldy" degen resmı derek bar. Alaıda Arys qalasynyń turǵyndary munymen kelispeıdi. Turǵyndar jarylystyń kesirinen 3 emes, odan da kóp adamnyń ólip jatqanyn kórgen. Bul týraly qala turǵyndary Azattyq radıosynyń jýrnalıserine bergen suhbatynda aıtqan. 

–Adamdar jolda ólip jatty. Balalarym da kórdi. Muny biraq eshbiri aıtyp jatqan joq. Biz ish kıimmen, jalań aıaq qashtyq. Biz dalada qaldyq. Úıimizdi kórdik. Úıimiz jaryldy. Baspanasyz qaldyq, - deıdi jarylystan zardap shekken turǵyndar.