Aqtaýda №55 balabaqshasynyń tárbıeshileri balalardy toqpaqpen tárbıelegen dep habarlaıdy Qamshy.kz aqparat agenttigi KTK telearnasy silteme jasap.

Tárbıeshiler búldirshinerdi tipti saǵat boıyna oryndyqtan turǵyzbaı, sebepsiz qol jumsaǵan. Bul týraly kishkentaılar ata-analaryna shaǵym aıtyp barǵandarynda bir-aq bilipti. Al mekemedegiler baqylaý kamerasyndaǵy jazbany tek polısıa aralasqan soń ǵana kórsetipti.

Beınejazbany kórgen  ata-analar jaǵalaryn ustady. Mundaǵy tárbıeshilerdiń kishkentaılardy saǵattap oryndyqqa otyrǵyzyp qoıǵany anyq kórinip tur. Tipti qaraýsyz qaldyryp, sebepsiz urǵan sátteri de bar. Sondaı-aq, sýsyndy eki staqannan ishýin talap etken. Al iship taýysa almaǵandardy jazalaıdy eken. Mundaı sumdyqty kórgen ata-analar balalarynyń ne sebepti balabaqshadan qashatynyn endi túsindik dep otyr. Tárbıeshilerdiń jaýyzdyǵyna ashynyp, endi mektepke deıingi mekeme qyzmetkerlerin túgel sotqa bermekshi.

–Men shyny kerek, vıdeony qaraı almadym. Balamnyń tárbıeshisi jáne basqa toptyń tárbıeshisi kelip kishkentaıymnyń basynan urǵanyn qarap turýdyń ózi sumdyq. Tipti eshqandaı oıynshyqtarmen oınatpaıtyny, tárbıeshiler kishkentaılardy qaraýsyz qaldyratyny anyq kórinip tur - deıdi Nazym Túgelbaeva esimdi ata-ana.