Túrkistan oblysynyń ákimi Ómirzaq Shókeev Arys turǵyndarymen kezdesip, tolqýlarǵa qatysty pikir bildirdi dep jazady Qamshy.kz aqparat agenttigi.

Ol "Aqmeshittiń" mańynda jınalǵan bir qaýym eldiń aryz-shaǵymyn tyńdap, óz josparymen bólisti.

"Arandatýshylardy tyńdamańyzdar. Meni tyńdańyzdar! Biz birge bolýymyz kerek. Arys qalasynda eshqandaı radıasıa joq. Sol jaqta sizderdiń úılerińizdi jóndep, jaramaıtyn úılerdi qaıta salyp beredi. Sodan keıin sol úıdi satasyzdar ma, ózderińiz sheshesizder", - dedi Ómirzaq Shókeev.

Aıta ketý kerek, oblys basshysynan buryn jıylǵandarmen qala ákimi Ǵabıdýlla Ábdirahymov kezdesken.

"Sizder Shymkent qalasynan úı berýdi talap etip otyrsyzdar. Sizder sıaqty, múgedekter, tabysy az azamattardan quralǵan 130 myń adam kezekte tur. Men olarǵa ne aıtýym kerek? "Men sizderge bermeımin, arystyqtarǵa beremin" deımin be?! Olar da adam ǵoı... Arys – jaqsy qala, ekonomıkasy ósedi. Stansıa bar. Birneshe kúnnen keıin sizderdiń qalada eshqandaı jarylǵysh zat qalmaıdy. Jańa úıler, jańa joldar salynady", - dedi ol Arys turǵyndaryna.

Aıta ketý kerek, Arys qalasynyń Shymkentke evakýasıalanǵan turǵyndary meshit mańyndaǵy joldy jaýyp, ózderiniń talap-tilekterin aıtqan-dy.