2019 jyldyń 13-mamyry kúni Grýzıa memleketi Muhtar Áblázovty «Ar ordeninen» aıyryp tastady dep jazady Qamshy.kz aqparat agenttigi.

Grýzıa prezıdenti Salome Zýravıshvılıdiń ústimizdegi jyldyń 13-mamyrynda shyqqan buıryǵyna sáıkes, osy ýaqytqa deıin ózge elde syıly atanǵan Muhtar Ábilázovti memlekettik syılyqtyń ıegeri ataǵynan aıyrdy.

"Grýzıa zańnamasyna (5.1, «Memlekettik syılyqtar men ataqtar týraly») sáıkes, Muhtar Áblázov "Ar ordeni" syılyǵynan aıyrylsyn", - delingen buıryq mátininde.

Demokratıanyń jańa kórinisin kórsetýge talpynys jasap otyrǵan memleket revolúsıadan keıin memleketiniń qarjysyn jymqyryp, arandatýshylyqtar uıymdastyryp, elden qashyp júrgen ózge eldiń azamatyna buryn berilgen syılyqtan aıyrýǵa sheshim qabyldaǵan.

E. Tátishevtiń ólimine jáne jemqorlyq faktilerine qatysty Áblázovtyń ústinen qozǵalǵan isterdi tyńǵylyqty zerttegen Grýzıa prezıdenti osyndaı sheshim qabyldaýdy jón kóripti.

Aldaǵy ýaqytta Grýzıa memleketi óz elinen "ury" dep alatatylǵan Muhtar Áblázovpen eshqandaı ortaq áreket jasamaıdy jáne oǵan pana bolmaıdy.