Almaty qalasynyń jańadan taǵaıyndalǵan ákimi Baqytjan Saǵyntaev aýdan ákimderine halyqpen sóılesý mádenıetin jóndeýdi, sondaı-aq, qajet sharalardy qoldanýdy tapsyrdy dep jazady Qamshy.kz aqparat agenttigi.

"Mine, uzaq jumys kúni aıaqtaldy. Almatylyqtardyń belsendiligi men máselelerge beı-jaı qaramaıtyndyǵy úshin alǵys bildiremin. Barsha aýdan ákimderine qala turǵyndarymen durystap sóılesýdi jáne qajet sharalardy qoldanýdy tapsyramyn. Birge jumys jasap, birge sheshemiz!", - dep jazdy ákim óziniń Twitter paraqshasynda.

Óziniń alǵashqy jumys kúninde Almatynyń jańa ákimi birqatar tapsyrmalar berip, aýdandardy aralap shyqty.

Sonymen qatar, Almatydaǵy avtobýstardyń jol-kólik oqıǵalaryna ushyraý máselesin sheshýdi tapsyrdy. Qoǵamdyq keńestiń jınalysyn ótkizip, Almaty-1 temir jol vokzalyna bardy.