Qazaqstannyń Bilim jáne ǵylym mınıstrligi elimizdegi eń tanymal jáne talapkerler tarapynan tómen suranysqa ıe mamandyqtar tizimin jarıalady.
Eń úlken suranysqa ıe mamandyqtar kóshin «ıýrısprýdensıa», «dızaın», «dene shynyqtyrý jáne sport», «jalpy medısına», «qarjy» salalary bastap tur.
Al talapkerler eń az tańdaıtyn mamandyqtar tizbeginde «kompozısıa», «mýzyka taný», «músin óneri», «túrkitaný» jáne «baspa isi» bar.
Sonymen qatar, Bilim mınıstrligi elimizdegi ortasha oqý aqysyn da jarıa etti. Ulttyq ýnıversıtetetterdegi oqý baǵasy basqalarǵa qaraǵanda eki esege qymbat.
«Ulttyq ýnıversıtetterde oqıtyn bir stýdentke ketetin jyldyq ortasha soma 635 myń teńge, al ózgelerinde 350 myń teńge» delingen habarlamada.
Mınıstrlik taratqan málimette tehnıkalyq salada mamandardyń jetispeıtini aıtylǵan. Sondaı-aq, ónimdi óńdeý salasynda sheberlerdiń jetkiliksiz ekeni anyqtaldy. Sol sebepti, atalǵan mamandyqtardy 40 paıyzdan artyq memlekettik grant bólinýde.
Transportty (31 myń) jáne energetıkalyq ınfraqurylymda (8 myń), taý-metallýrgıalyq keshende (23,4 myń), munaı-gaz sektorynda (17,8 myń), týrısik ındýstrıada (6,9 myń) jáne mashına jasaýda (6,5 myń) mamandar qajettiligi baıqalady.
Qazaqstandyq naryqta mehanık, slesar, dánekerleýshi, júk jáne arnaıy transport júrgizýshisi, qurylǵylar operatory, elektr montajdaýshy syndy mamandyq ıeleri jetispeıdi.
Sondaı-aq, İT mamandary, servıs pen nano jáne bıotehnologıany ıgergen kadrlar qazirgi naryqqa asa qajet.
