Apattan zardap shekken Arys qalasyna shyǵys-qazaqstandyqtar da qol ushyn sozyp jatyr. Bul maqsatta arnaıy shtab qurylyp, ony oblys ákimi Danıal Ahmetov basqardy dep habarlaıdy Qamshy.kz aqparat agenttigi.  

– Bul – tek arystyqtardyń ǵana emes, búkil eldiń basyna túsken aýyr synaq. Osyndaı syn saǵatta aýyzbirshilik tanytyp, kómek qolyn sozý azamattyq paryzymyz. Sondyqtan jerge memlekettik qyzmetshilermen qatar, bıznes ókilderi men jýrnalıserdi de shaqyrdym. Jerlesterimiz arystyqtardyń qaıǵysyna beıjaı qaramaıdy dep senemin. Qazir apattan zardap shekken otbasylardyń balalaryn Shyǵys Qazaqstandaǵy lagerlerde jiberý máselesin qarastyryp jatyrmyz, – dedi oblys basshysy Danıal Ahmetov.  

Aımaq basshysynyń aıtýynsha, Arys halqyna kórsetiletin materıaldyq jáne gýmanıtarlyq kómekter júıeli ári jarıaly júrgiziledi. 

Búgingi tańda apat bolǵan aımaqtyń turǵyndaryna alǵashqylardyń biri bolyp «Bıpek Avto – Azıa Avto» kompanıalar toby qol ushyn sozdy. 

Sonymen qatar qaıyrymdylyq aksıasyna «Nur Otan» partıasynyń ókilderi, qala-aýdandardaǵy jastar resýrstyq ortalyqtarynyń músheleri, meshit ımamdary jáne qarapaıym turǵyndar belsendi atsalysyp jatyr. Qazirdiń ózinde Shyǵys Qazaqstan oblysyndaǵy aýdan ortalyqtary men qalalarda Arysqa gýmanıtarlyq kómek kórsetý úshin qurylǵan 20-ǵa jýyq pýnkt jumys istep tur. Ol jerlerde halyq tutynatyn birinshi kezektegi qajetti dúnıeler, onyń ishinde azyq-túlik, kıim-keshek, gıgıenalyq zattar jáne basqa da qajettilikter qabyldanýda. Jınalǵan gýmanıtarlyq kómek jaqyn kúnderi Túrkistan oblysyna jiberiledi. 

Oblys ortalyǵy Óskemen qalasyndaǵy gýmanıtarlyq kómek kórsetý jónindegi arnaıy shtab Potanın kóshesi 27/1 (Jastar resýrstyq ortalyǵy) meken jaıynda ornalasqanyn esterińizge sala keteıik. 

Sonymen qosa arystyqtarǵa kómek kórsetkisi keletin adamdar oblys ákimdiginiń janyndaǵy «Túrkistan» korporatıvtik áleýmettik damý qoryna habarlasýyna bolady. Qor rekvızıtteri: 

Mekenjaıy: Túrkistan oblysy, Túrkistan qalasy, Qyzylorda tas joly, 34 A ǵımaraty; 

poshta ındeksi – 161200; 

BSN (BIN) – 100440016000; 

«ForteBank» AQ Túrkistan qalasyndaǵy fılıaly: 

JSK (IIK) – KZ7196528F0007014540; 

BSK (BIK) – IRTYKZKA. 

Óskemendegi telefon nómirleri: 71-31-50, 71-32-77 (oblys ákiminiń apparaty).