Túrkistan oblysy ákiminiń ornybasary Joldymurat Amanbaev Arys turǵyndaryna 100 myń teńgelik aqshalaı kómek eki apta ishinde beriletinin aıtty dep jazady Qamshy.kz aqparat agenttigi. 

Amanbaevtyń aıtýynsha, arnaıy málimetter bazasy arqyly 44781 Arys turǵyny anyqtalyp, olardyń barlyǵyna aqshalaı kómek beriledi. 

"Qaladaǵy arnaıy málimetter bazasy arqyly 44781 adamdy anyqtap, qarajatyn aýdaramyz. Bul jumystardy 2 aptada aıaqtap úlgeremiz dep oılaımyn. Eshqandaı qujat jınaýdyń, ákimdikke kelip shý shyǵarýdyń, ábigerge túsýdiń qajeti joq. Árbir turǵyn anyqtalyp, tıisti qarajatty alady. Al balalarynyń aqshasy kelisim boıynsha ákesiniń nemese anasynyń esep-shotyna aýdarylatyn bolady", - dedi Joldymurat Amanbaev.

Maýsymnyń 24-i kúni Túrkistan oblysy Arys qalasyndaǵy áskerı bólimniń oq-dári qoımasynda joıqyn jarylys bolyp, qala turǵyndary túgeldeı evakýasıalandy. Oblystan ashylǵan evakýsıalyq pýnkterdi panalaǵan Arys turǵyndary 28 maýsymnan bastap qalaǵa qaıta kirgizile bastady. Resmı málimet boıynsha, Arystaǵy jarylys kezinde úsh adam óldi.

Bılik joıqyn jarylystan japa shekken Arys turǵyndarynyń árqaısysyna 100 myń teńge aqshalaı kómek beriledi degen.