Óskemendik jas ǵalym Nurlan Dosmurat aǵashtan ulttyq naqyshta oıynshyqtar jasaıdy. Búginde ony kópshilik jurt qazaqy pazldyń avtory retinde biledi dep habarlaıdy Qamshy.kz aqparat agenttigi. 

Óskemendegi S.Amanjolov atyndaǵy SHQMÝ-da sheber bolyp jumys isteıtin Nurlan «Balausa» dep atalatyn startap-jobanyń avtory. Osy joba arqyly ol óskeleń urpaq boıyna ulttyq tálim-tárbıeni sińirýdi kózdep otyr. 

 – Jobanyń ataýyn yrymdap «Balaýsa» dep qoıdym. Ondaǵy oıym táı-táı basqan jańa kásibimniń bolashaqta keregesin keńeıtip, ulttyq naqyshtaǵy oıynshyqtardyń brendin qalyptastyrý. Sol úshin táýligine 15 saǵatqa deıin jumys isteýge týra keledi. Nátıjesi jaman emes. Alǵashqy ónimderimdi satyp alyp jatqandar bar, – deıdi jas sheber.  

Nurlannyń negizgi mamandyǵy – muǵalim. Alaıda ol ustazdyqtan góri qolónerdi tańdap, ulttyq oıynshyqtardy jasaýmen bel sheship aınalysyp júr.  

Sonymen qatar, qolóner sheberi ulttyq naqyshtaǵy kıimder tigip, alqa, syrǵa, tumar, bilezik sıaqty zergerlik buıymdardy zamanaýı úlgide jasaýdy da meńgerip alǵan.