Almatyda 6 shilde keshki 19.00-den bastap polısıa Balýan Sholaq sport kesheniniń mańynda júrgen 100-den asa adamdy ustady dep jazady Qamshy.kz aqparat agenttigi. 

Oqıǵa ornyna arnaıy barǵan Qamshy tilshisi polısıanyń adamdardy eshqandaı sebepsiz ustaǵanyn kórgen.  Polısıa ókilderi aldymen tek er adamdardy ustady. Sosyn sol mańda júrgen barlyq adamdardy jappaı arnaıy polısıa kólikterine kúshpen kirgizip alyp ketti. Adamdar polısıa ustaǵannan keıin "Shal ket!", "Alǵa, Qazaqstan!", "Oıan, Qazaqstan!" "Shaldyń quldary jiberińder!"  dep aıǵaılady. Polısıa ustaǵandardyń arasynda egde jastaǵy áıel adamdar da bar.

Almatydan bólek dál osy kúni Nur-Sultan, Shymket qalalarynda da adamdardy ustaǵan. 

Qazaqstanda tıym salynǵan "Qazaqstannyń demokratıalyq tańdaýy" qozǵalysynyń jetekshisi, Eýropada turyp jatqan eks-bankır Muhtar Áblázov buǵan deıin áleýmettik jeliler arqyly 6 shilde Qazaqstan halqyn qazirgi bılikke qarsy narazylyqqa shyǵýǵa shaqyrǵan.