Adamdardyń kóbi aǵylshyn tilin úırenip nemese bilgenin jetildirgisi kelse, qarapaıym, sapaly jáne yńǵaıly baǵdarlamalardy izdeıdi. Aǵylshyn tilin barlyq jerde qaı ýaqytta bolsa da úırenetin 10 baǵdarlamany «Qamshy» portaly usynady.
“Ýaqytym joq” degen taptaýryn sebep tabyla qalady. Negizi óte jumysbasty adam da aǵylshyn tilin oqý úshin ýaqyt tabýyna bolady. Eń bastysy ondaǵy sabaqtar uzaq jáne jalyqtyratyn bolmaýy tıis. Tek qana turaqty bolsa aǵylshyn tilin úırenýge bolady. Bul eń mańyzdy qoıylatyn talap. Aǵylshyn tilin úırenýdi jaqsy ádetke aınaldyryp, sózerdi jumysqa bara jatyp nemese kofe iship otyrǵan kezde qaıtalaýǵa sizderge osy IOS pen Android-qa arnalǵan baǵdarlamalar kómektesedi.
iCan ABC
Bul baǵdarlama aǵylshyn tilin jańadan úırene bastaǵandarǵa arnalǵan. Áripter pen dybystardy úırenip, sóıleýińizdi jaqsartqyńyz kelse iCan ABC-di laıyqty dep baǵalaısyz. Biraq aqysyz baǵdarlamany shekteýli ýaqytqa ǵana qondyra alasyz. Baǵdarlama aǵylshyn tilimen endi tanysyp jatqan balalarǵa jaraıdy.
Words
Apple redaksıasy osy baǵdarlamany “bilim” kategorıasyndaǵy eń myqty dep eseptegeni jaı emes. Baǵdarlamanyń bazasynda 8 myńnan astam sóz bar, sonymen qatar baǵdarlama oflaın rejıminde qoljetimdi. Eń basty aıyrmashylyǵy: baǵdarlama bir qoldanýshyǵa beıimdelenip, tapsyrmalar men testterde aldynǵy sabaqta sizde qıynshylyq bolǵan sózderdi usynady. Eger bir sózdi anyqtaǵan kezde qate jiberseńiz, esińizge saqtaǵansha sol sóz sizge qaıta usynylady.
Easy Ten
Osy baǵdarlamanyń kómegimen kún saıyn 10 sóz esińizge saqtap leksıkańyzdy tolyqtyryp turasyz. Baǵdarlama sizdiń kóp ýaqytyńyzdy almaıdy – kúnine 20 mınýt kóńil bólseńiz jetkilikti. 20 myńnan astam aǵylshyn sózi bar, arnaıy jattyǵý qurylǵy arqyly sizdiń sóıleı alý múmkindigińizdi jetildiredi. Sonymen qatar sózderdi taqyryp tizimderi boıynsha bólip qoısańyz bolady.
Learn English
Baǵdarlama sizdiń gramatıkańyzdy jetildiredi jáne sóılem qurastyrǵan kezde qatelerińizben jumys jasaıdy. Tekst materıaldary, aýdıofaıldar men testter bilimińizdi tolyqtyrady.
Rosetta Stone
Bul baǵdarlama asosıasıalar arqyly sózderdi este saqtaýǵa kómektesedi. Aıtylýyńyzdy baǵalaıtyn baǵdarlama jattaǵan sózderdi durys aıtýǵa kómektesedi. Baǵdarlama aqysyz, biraq aqyly málimetter bar.
English Grammar in Use Activities
Cambridge University Press baǵdarlamasy gramatıkalyq daǵdylaryńyzdy jetildirýge kómek beredi. Artıkldar qoldanýy, teris etistikter men zat esimderdi avtomatızmǵa deıin jetkize alasyz.
Conversation English
Idıoma men aǵylshyn tilindegi sóz tirkesterin oqýǵa arnalǵan yńǵaıly baǵdarlama. Conversation English arqyly kommýnıkatıvtik daǵdylaryńyzdy, daýystap oqýyńyzdy jetildirip, sóz qoryńyzdy kóbeıtesiz.
English At Work
Bıznes-aǵylshyn tiliniń tájirıbesine arnalǵan baǵdarlama. Sóıleý, iskerlik hattardy jazý daǵdylaryńyzdy kúsheıtip, sózdik qoryńyzdy jańa sózdermen tolyqtyryp, jumystaǵy komýnıkasıada kezdesetin jańa ıdıomalardy jattaı alasyz.
15500 Useful English Phrases
Bul kúndelikti ómirimizde kezdesetin 15 500 qyzyqty ıdıomalary bar baǵdarlama-sózdik.
WordBook — English Dictionary & Thesaurus
Bul sózdik- 15 myń sóz ben 23 myń etımologıalyq sózge baı. Sonymen qatar orfografıalyq tekserýge, anagram qurý úshin sóz izdeýge bolady. Osyǵan qosa kún saıyn baǵdarlama usynǵan búgingi kúnniń sózin jattaı alasyz. Sózdik oflaın rejıminde qoljetimdi.
Atalǵan baǵdarlamanyń aǵylshyn tili ár-túrli deńgeıdegi adamdarǵa arnalǵan. Baǵdarlama kúrdeliliginiń deńgeıin ózińiz retteı alasyz. Osylaısha aǵylshyn tilin úırenýge bolady. Talaptanǵan adamǵa til úırený qıyn emes.
Aısulý Tursynbaeva
