Nursultan Nazarbaev otstavkaǵa ketýden bir-eki kún buryn Kárim Másimovpen aqyldasqan dep jazady Qamshy.kz aqparat agenttigi. Bul týraly Kárim Másimov Nursultan Nazarbaev týraly derekti fılmde aıtty. 

Sondaı-aq Kárim Másimov Nazarbaevtyń otstavkaǵa ketý jónindegi sheshimin alǵashqyda qoldamaǵan.  

"Men Nazarbaevtyń otstavkaǵa ketetinin bir-eki kún buryn bilgenmin. Nursultan Ábishuly óz qupıasymen bólisti. Ol óziniń otstavkaǵa ketetinin aıtty. Budan keıin biz Konstıtýsıadaǵy zańnamalarǵa sáıkes óz jumysymyzdy jalǵastyramyz dedi. Men mundaı sheshim qabyldaýdyń qajeti joq dep eseptedim. Áli ýaqyty kelmedi dep oıladym. Nursultan Ábishulyna keńesim mynadaı boldy: "Asyǵys sheshim qabyldaýdyń keregi joq shyǵar, bálkim, ókilettik tek 2020 jyldyń sońynda aıaqtalady". Al ol óz kezeginde bir kún kesh ketkennen, bir kún erte ketken jaqsy dep aıtty. "Men osyndaı sheshim qabyldadym. Sen de munyń durys sheshim ekenin jaqynda túsinesiń, kómekshi myrza. Bári óz ýaqytynda jasalý kerek", - dedi Nursultan Nazarbaev. Ómir onyń sheshimi durys ekenin kórsetýde", - dedi Kárim Másimov.