Ýkraına prezıdenti Vladımır Zelenskııdiń korteji jol apatyna ushyrady dep habarlaıdy Qamshy.kz aqparat agenttigi Lenta.ru saıtyna silteme jasap.

Jol-kólik oqıǵasyna joǵary laýazymdy tulǵalar kúzet qyzmetkerleri otyrǵan Volkswagen Transporter shaǵyn avtobýsy jáne jolaı baǵytta júrip kele jatqan eki avtokólik túsken. Derekterge súıensek, avtobýs balalardy tasyǵan. Bul týraly Ýkraına Memlekettik kúzet basqarmasynyń Facebook-tegi habarlamasynda jazyldy.

Habarlamada jazylǵandaı zardap shekkender joq. Al oqıǵa ornynda quqyq qorǵaý organdary jumys istep jatyr.

Buǵan deıin Strana.ua basylymy Ýkraına prezıdentiniń korteji ushyraǵan apat týraly habarlaǵan edi. Alaıda onda Zelenskııdiń ózi bolǵan joq, óıtkeni memleket basshysy Kıevke ushaqpen ketken.