Belgili ınvestor, qoǵam belsendisi Marǵulan Seısembaı Ulttyq qoǵamdyq senim keńesine nege kirmegen sebepterin atap ótti dep jazady Qamshy.kz aqparat agenttigi. Bul týraly Marǵulan Seısembaı óziniń facebook paraqshasynda jazdy.
Qoǵam belsendisi buǵan deıin keńeske nege kirmegeni týraly qysqasha "Olar meniń shartymdy oryndamady. Men olarǵa saıası tutqyndardy bosatyńdar, sonda Keńeske kirem dep shart qoıǵanmyn. Bul shartty oryndamaı, Keńeste isteý - amoraldy", - dep jazǵan bolatyn.
AL búgingi jazbasynda kópshiliktiń saýalyna tolyqtaı jaýap berýdi jón kórgen eken.
"Meniń kóptegen oqyrmandarym nelikten meni Ulttyq Keńeske almaǵandyǵyn suraıdy. Eske sala keteıin, maýsym aıynda meni sol jerge shaqyrǵan kezde, men bul týraly feısbýk paraqshama jazdym jáne meniń Ulttyq Keńeske kirý sharttarymdy usyndym. Sharttar mynadaı edi:
1. Internetti buǵattaýdy toqtatý.
2. Mıtıńte ustalǵandardy bosatý.
3. Saıası qamaýdaǵylardy bosatý.
Meniń sharttarym oryndalmady, sáıkesinshe men bul keńes qatysýshylarynyń tiziminde joqpyn.
Ekinshiden, keńestiń múshesi bolýy úshin árbir úmitker kem degende 10 myń qol jınaýy tıis degen edim. Bul shartty úmitkerler oryndaı almasa, keńeste kimniń atynan shyqpaq, kimniń múddesin qorǵamaq?
Úshinshiden, sharttar qoımaý kerek edi, keńeske esh bir shartsyz qatysý qajet edi deıtin adamdarǵa aıtarym tómendegideı.
Dostar, siz ózińizdiń senimińizdi avtokólik retinde elestetip kórińizshi. Endi sizdiń kórshińiz mashınany ýaqytsha alyp, ony bútin jáne zıansyz qaıtarýǵa ýáde bergenin elestetińiz. Alaıda, ár joly ol sizdiń kóligińizdiń byt-shytyn shyǵaryp qaıtarady. Biraq siz oǵan eshteńe jasaı almaısyz. Ol sizden kúshti. Mine, ol taǵy da sizdiń mashınańyzdy suraıdy. Siz ne isteısiz? Bas tartsańyz tóbeles bolady. Sonda siz onyń sózinde turýy, mashınany bútindeı qaıtaramyn degen ýádelerin oryndaýy úshin odan aldyn ala kepilaqy suramaısyz ba?
Mine, men de osylaı jasadym. Eger sizderdiń shyn máninde saıası reformalardy jasaýǵa nıetińiz bolsa, onda úsh shartty oryndap, saıası qamaýdaǵylardy bosatyńdar dedim. Osydan keıin sizderge senip, jumys isteıtin bolamyn dep aıttym. Sonda bul keńes is-áreketke qabiletti bolmasa da, saıası qurbandardyń bostandyqqa shyqqanynyń ózi keremet nátıje retinde qabyldap, men jaıdan-jaı bir jyl boıy ýaqytymdy bosqa ketirmegenimdi biletin bolamyn.
Al eger bılikte bundaı nıet bolmasa, onda men nege Keńeste bolýym kerek?
