Ýkraınanyń memlekettik tergeý búrosy eldiń eks-prezıdenti Petr Poroshenko men birneshe joǵary laýazymdy tulǵalardyń ústinen 11 qylmystyq is qozǵady. Bul týraly búro dırektory Roman Trýba brıfıń barysynda aıtty dep habarlaıdy Qamshy.kz aqparat agenttigi «Rıa Novostıge» silteme jasap.

Roman Trýbanyń aıtýynsha, Poroshenkony "salyq tóleýden jáne «Kýzná na Rybalskom» zaýytyn satý barysynda 300 mln dollardy zańdastyrýdan jaltarýy múmkin" degen iske kýáger retinde shaqyrǵan.

Ýkraınanyń burynǵy prezıdentiniń esimi buǵan deıin birneshe qylmystyq iste atalǵan bolatyn. Atap aıtqanda, qyzmetin asyra paıdalandy, Kerch buǵazyndaǵy oqıǵada memlekettik satqyndyq jasady, «Prámoı» telearnasyn zańsyz ıelendi, depýtattyq fraksıa qurýda jalǵan qujattar jasady, bılikti basyp almaq boldy degen sıaqty aıyptar taǵyldy.

Dese de, eks-prezıdentke qatysty ázirge naqty tergeý amaldary júrip jatqan joq. Poroshenkonyń ózi «Eýropalyq ister» partıasynyń sezinde ýkraın halqynyń aldynda jaýapkershilik arqalaıtynyn, eshqandaı izge túsýshilikten qoryqpaıtynyn aıtqan.