Qazaqstannyń Tuńǵysh Prezıdenti - Elbasy Nursultan Nazarbaevtyń metalýrgıa salasynyń eńbekkerleri men ardagerlerin kásibı merekesimen quttyqtady, - dep habarlaıdy Qamshy.kz aqparat agenttigi.

"Qurmetti metalýrgıa salasynyń eńbekkerleri men ardagerleri! Sizderdi kásibı merekelerińiz – Metalýrg kúnimen quttyqtaımyn!
Bul meıram sizderge degen qurmettiń jáne eren eńbekterińizdi moıyndaýdyń sımvoly sanalady. 
Kezinde maǵan mańyzdy ómirlik tájirıbe bergen, qaıratymdy shyńdaǵan jáne senimdi dostar tabýǵa septigin tıgizgen metalýrg kásibin tańdaǵanymdy maqtan etemin.
Búginde elimizdiń kásiporyndarynda joǵary bilikti myńdaǵan metalýrg – eńbekqor, jaýapkershiligi joǵary jáne myqty azamattar jumys isteýde. Solardyń óz isine adaldyǵy men sheberliginiń arqasynda búkil elimizdiń ekonomıkalyq ósiminiń berik negizin qalyptastyra aldyq.
Qazaqstandaǵy metalýrgıa salasy damýdyń ınovasıalyq jolyna túsip, óndiristik ujymdarymyzǵa bolashaqqa nyq senimmen qaraýǵa múmkindik beredi.
Sizder aldaǵy ýaqytta da táýelsiz Qazaqstannyń ıgiligi úshin jańa kásibı jetistikterge umtylyp, adal eńbek etetinderińizge senemin.
Barshańyzǵa zor densaýlyq, sarqylmas kúsh-qýat, týǵan-týysqandaryńyzǵa baq-bereke tileımin!", - dep jazylǵan Elbasy.kz saıtynda jarıalanǵan jedelhatta.