Aqmola oblysynda «Ohotzooprom» óńirlik fılıalynyń ınspektorlaryna shabýyl jasaǵan kúdiktiler ustaldy, dep habarlaıdy Qamshy.kz aqparat agenttigi polısıa departamentiniń baspasóz qyzmetine silteme jasap. 

Departamenttiń málimetinshe, Polısıa qyzmetkerleriniń júrgizgen keshendi jedel-izdestirý sharasy kezinde ınspektorlarǵa shabýyl jasaǵan eki kúdikti qolǵa túsken.

Ustalǵandar Arqalyq qalasynyń turǵyndary eken.

«Arqalyq qalasynyń 45 jastaǵy turǵyny men onyń 20 jastaǵy balasy polısıadan jasyryný maqsatynda avtokólikten qutylmaq bolǵan. Alaıda, polısıa qyzmetkerleriniń shıraq qımylynyń arqasynda kúdiktiler Qostanaı oblysynyń aýmaǵynda ustaldy», – dep habardar etti polsısıanyń baspasóz qyzmetindegiler.