Soltústikkoreıalyq shekarashylar reseılik "Sánhaılın-8" seınerin basyp alǵan. Bortynda ekıpajdyń 17 múshesi, onyń ishinde Ońtústik Koreıanyń eki azamaty bolǵan dep habarlaıdy Qamshy.kz aqparat agenttigi Tengrinews.kz saıtyna silteme jasap.

Bul týraly RIA Novostı aqparattyq portaly jazdy. 

Kemege ıelik etýshi kompanıa dırektorynyń orynbasary Sergeı Sedler oqıǵanyń 17 shildede bolǵanyn aıtady. Kemeni basyp alýǵa basty sebep - "áskerı kúzetiletin aımaq" shekarasyna zańsyz kirý.

Bul aýmaqty KHDR jaǵalaýdan 50 teńiz mıl qashyqtyqta bekitip tastaǵan. Onyń aıtýynsha, seıner kúndelikti baǵytymen ketip bara jatqan - reseılik Prımorede shaıan aýlap, Zarýbınoda qujattardy rásimdep, ońtústikkoreıalyq Sokchoǵa apara jatqan. 

Keme ıesiniń ókili ekıpajdy ekige bólgenderin aıtady: kapıtandy, eki kómekshisin jáne eki ońtústikkoreıalyq mamandardy qonaqúıde ustap otyr, al qalǵanyn kaıýtadan shyǵarmaıdy eken. Kún saıyn jaýap alyp, baqylaý júrgiziledi, sondaı-aq kemede sý men azyq-túlik taýsyldy degen qaýip bary da aıtylady.  Reseılik dıplomattar osy máseleni sheshýge kirisken.

"Bizdiń elshilik jaǵdaıdy biledi, dıplomattar kirisip ketti. Meniń bilýimshe, olar ekıpaj múshesimen kezdesken", - dedi Reseı Syrtqy ister mınıstrliginiń Vladıvostoktaǵy ókili.