Dollar kýrsy baıaý biraq turaqty túrde ósip keledi. Bul kúnderi 1 dollar 385 teńgelik deńgeıge turaqtaǵan. Alaıda 9-16 shilde kúnderi Qazaqstanda bolǵan halyqaralyq valúta qorynyń sarapshylary bul naryqtyq baǵam degenge kúmánmen qaraıdy.

Syrtqy faktorlarǵa baılanǵan teńge baǵamyna áser etetin oqıǵalar álemde az oryn alyp jatqan joq: Dollar qunsyzdanyp, rúbldyń álemdik naryqtaǵy baǵamy kúsheıdi. AQSH-Qytaı qatynastary tuıyqtalyp, keıin ońala bastady. AQSH-tyń Federaldyq rezerftik júıesi men Eýropa ortalyq banki stavkany tómendetýge ázir ekenin aıtty. Munaı baǵasy barreline 62-den 68-ge deıin kóterilip, qaıta tústi. AQSH Iranǵa qatysty sanksıa engizdi, taǵysyn taǵy degendeı.

Biraq ulttyq valútaǵa atalǵan jaıttardyń shybyn shaqqandaı da áseri bolmady. Damýshy memleket úshin, ásirese naryqtyq jaǵdaıda bul óte kúmándi.

Sarapshylar teńge kýrsyna Ulttyq bank yqpal etip turýy múmkin degen pikir aıtýda. Bas bank árıne bunysyn jarıa etkisi kelmeıdi. Eseptik qaǵazdarda jalań sıfrlar ǵana. Onyń ózi tolyq maǵlumat emes. Alaıda teńge baǵamynyń turaqtylyǵymen qatar ulttyq bank rezervterinde ózgerister baıqalýda. Keltirilgen derekterge qaraǵanda teńge baǵamyna qatysty ıntervensıa júrgizilip otyrǵanǵa uqsaıdy. Ol týraly basty regýlátor ashyp-jaryp aıtar emes.