Ózbekstan prezıdenti Shavkat Mırzıóevtiń kenje qyzy Shahnoza Mırzıóeva respýblıkanyń bilim mınıstrliginiń mektepke deıingi bilim berý salasynda saıasat qalyptasyrý jáne júrgizý bas basqarmasynyń basshysy bolyp taǵaıyndaldy dep habarlaıdy Qamshy.kz aqparat agenttigi Sputnik Ózbekstan saıtyna silteme jasap.

2017 jyldyń jeltoqsanynan bastap búginge deıin Shahnoza Mırzıóeva mektepaldy mekemelerdiń jumysyn uıymdastyrý jáne strategıalyq damý bas basqarmasynyń basshysy Elena Tenniń orynbasary bolyp qyzmet etken edi. Keıin bul vedomstvo mektepaldy bilim berý uıymdarynyń jumysyn úılestirý, taldaý jáne strategıalyq damý basqarmasy bolyp qaıta quryldy.

Budan buryn habarlaǵanymyzdaı, bıyl sáýir aıynda Shavkat Mırzıóevtiń úlken qyzy da basshylyq qyzmetke keldi. Dálirek aıtqanda, Saıda Mırzıóeva aqparat jáne buqaralyq komýnıkasıalar agenttigi dırektorynyń orynbasary bolyp taǵaıyndaldy. Ol Ózbekstannyń sheteldegi jaǵymdy beınesin qalyptastyrý boıynsha máselelerdi basqarady.