Senbi, 10 tamyzda Máskeý, Sankt-Peterbýrg, Dondaǵy Rostov, Bránsk qalalaryndaǵy ádil saılaýdy talap etken aksıa kezinde jalpy sany 325 adam ustalǵan. "OVD-Info" quqyq qorǵaý portalynyń dereginshe, Máskeýde – 229, Peterbýrgte – 81, Dondaǵy Rostovta – 13, Bránskide eki adam ustalǵan, – dep habarlaıdy Qamshy.kz aqparat agenttigi.

Máskeýde ruqsat etilgen aksıa akademık Saharov dańǵylynda ótti. Oǵan "Belyı schechık" dereginshe, shamamen 60 myń adam qatysqan. Al Reseı İİM mıtıńige 20 myń adam kelgenin habarlady.

Jınalǵandar táýelsiz kandıdattardy qalalyq dýma saılaýyna ótkizýdi talap etip, buǵan qosa 27 shilde kúngi aksıadan keıin qozǵalǵan qylmystyq isti jabý qajettigin aıtty. Shilde aıynyń sońǵy senbisinde ótken aksıadan keıin Reseıdiń tergeý komıteti "jappaı tártipsizdik uıymdastyrý" isi boıynsha is qozǵap, 14 adamǵa aıyp taqqan edi.

10 tamyz kúngi mıtıńiden keıin sherýshilerdiń bir bóligi "Kıtaı-gorod" metro stansıasyna baǵyt alǵan. Onda polısıa sherýshilerdi ustaı bastaǵan.

Peterbýrgte de máskeýlik sherýshilerdi qoldaǵan ruqsat etilmegen aksıa ótti. Oǵan qatysýshylar bılikten jıyn ótkizýge ruqsat suraýdy qajet etpeıtin bir adamdyq pıket ótkizetinin aıtqan.

www.azattyq.org