Atambaevtyń tergeý ızolátoryndaǵy sýreti jelide paıda boldy dep habarlaıdy Qamshy.kz aqparat agenttigi 24.kg saıtyna silteme jasap. 

Sýrette Qyrǵyzstannyń eks-prezıdenti tolyqtaı jáne profıldi túrde túsirilgen. Almazbek Atambaevqa sybaılas jemqorlyq isi boıynsha resmı aıyp taǵylǵany týraly habarlanǵan. Bul týraly portalǵa onyń advokaty Sergeı Slesarev habarlady.

Onyń aıtýynsha, İshki ister mınıstrliginiń tergeýshisi Azız Batýkaevty zańsyz bosatqany týraly qylmystyq is qozǵaǵan.

"Aıyp negizsiz taǵylyp otyr. Meniń qorǵalýshymdy kýáger retinde shaqyryp, biraq áli tergemegen bolsa, qalaısha aıyp negizdi bolýy múmkin? Oǵan birden kúdikti retinde habarlama bergen. Bul basynan josparlanǵan senarı ǵoı. Bul áreketter zańsyz, sebebi Atambaevta eks-basshy retinde tıispeýshilik quqyǵy bar", - deıdi Sergeı Slesarev.

Zańgerdiń sózinshe, Atambaevqa basqa da aıyptar taǵylýy múmkin be joq pa, áli belgisiz.