Qazaqstannyń burynǵy prezıdenti, eldegi bılik partıasy sanalatyn "Nur Otan"-nyń tóraǵasy Nursultan Nazarbaev Nur-Sultan qalasynda ótip jatqan parıanyń saıası keńesiniń keńeıtilgen otyrysynda jemqorlyqpen kúresý jodaryn aıtty dep jazady Qamshy.kz aqparat agenttigi. 

Nazarbaevtyń aıtýynsha, bılik jemqorlyqpen kúreske halyqty tartpaǵan.

"Sybaılas jemqorlyqpen kúresti barynsha kúsheıtip, partıamyzdyń qataryn "tazartý" kerek. Bul týraly kóp aıtyp kelemiz. Saılanǵan prezıdent te jaqynda osy másele týraly aıtyp ketken bolatyn. Álbette, biz de, agenttik te jumys istep jatyr. Alaıda biz bul kúreske halyqty tartqan joqpyz. Sıngapýrda tártip bar: eger men óz áriptesterimmen bir kabınette jumys istesem, bireý jemqorlyqqa barǵaly jatsa, ol týraly men aıtpasam – sol úshin meni jazalaıdy. Bizde tipti ondaı psıhologıa da joq. Eger biz bárin ózimizden bastamasaq, bul dertti jeńe almaımyz. Iá, İİM, UQK, agenttik jumys júrgizip jatyr. Al bizde kerisinshe, zań buzýshylardy qorǵaý qalyptasyp qalǵan", - dedi Nursultan Nazarbaev.