Astanada «Qazaqstan - ata jurtym, qasıetim - ana tilim» atty qazaq tili men ádebıeti páninen X halyqaralyq olımpıada ótedi. Bul týraly «Daryn» respýblıkalyq ǵylymı-praktıkalyq ortalyǵynyń baspasóz qyzmeti málim etti dep habarlaıdy BAQ.KZ AA tilshisi.

Elbasy Nursultan Nazarbaev táýelsizdikten keıin alys-jaqyn shet elderdegi baýyrlarymyzdy ata qonysyna shaqyrǵany belgili. «Shetelde turatyn otandastardy qoldaý týraly» jarlyqqa qol qoıylyp, Úkimet qaýlysyn da qabyldady. Qazaqstan Respýblıkasy Bilim jáne ǵylym mınıstrligi «Daryn» respýblıkalyq ǵylymı-praktıkalyq ortalyǵy shet memleketterde turatyn otandastardy qoldaý týraly memlekettik baǵdarlamasyn júzege asyrý maqsatynda 2013 jylǵy 24-28 maýsym aralyǵynda elordamyz Astana qalasynda «Qazaqstan - ata jurtym, qasıetim - ana tilim» atty qazaq tili men ádebıeti páninen X halyqaralyq olımpıadasyn ótkizedi. Ortalyqtyń uıymdastyrýymen 2004 jyldan beri ótip kele jatqan olımpıada shartyna sáıkes sheteldegi 9-12 synypta oqıtyn 20 jasqa deıingi oqýshylar jarysqa qatysa alady. Jarys jeńimpazdaryna memlekettik jáne JOO-nyń arnaıy granttary beriledi. Ortalyqtan uǵysýymyzsha, osy olımpıadada qara úzip alǵa shyqqan 100-den astam qazaq balasy bul kúnde elimizdiń mańdaıaldy JOO-nan bilim alyp, aldy Qazaqstan úshin ter tógip, qyzmet jasap jatypty. Qatysýshy memleketterdiń árbir komandasy 6 oqýshy men 1 jetekshiden quralýy tıis. Qatysýshylar men komanda jetekshileri barlyq shyǵyndy óz ústine alady. Qatysýshylar jónindegi málimetterde olardyń aty-jóni, týǵan jyly, oqıtyn synyby, meken-jaıy, pasport nómiri mindetti túrde kórsetilýi qajet. Olımpıadaǵa qatysý jónindegi suranystardy uıymdastyrý komıtetine 5 maýsymǵa deıin jiberý kerek. Olımpıada jaıly basqa da tolyq aqpratty aldaǵy ýaqatta da habarlaıtyn bolamyz.

Olımpıadanyń uıymdastyrý komıtetiniń meken-jaıy: Qazaqstan Respýblıkasy Astana qalasy, Jeńis dańǵyly 16/1. Tel. +7 (7172) 445348; faks 445352; z.amanova007@ mail.ru, azholanova@ mail.ru