Siz telearnalarǵa qarap júrsiz be, osy.... 21 jyl boldy, qazirgi bıliktiń jáne onyń jandaıshaptarynyń qazaqty qorlap kele jatqandaryna. Iá, 21 jyl boldy! Bul shırek ǵasyrǵa jýyq ýaqyt degen sóz!!!

Ultymyz qazaqtanýdyń ornyna, kerisinshe, Keńes kezeńinen de beter, kótinen keri ketip, jappaı orystanyp nemese batystanyp bara jatqan jastarymyzdy, tipti, ata saqaldary aýzyna bitken úlkenderimizdi kórip, jigerim qum bolady, ylǵı. Bul ne degen sumdyq, aı men kúnniń amanynda!

Anaý múldem ulttyq tárbıeden ketkeli de, týra 21 jyl bolypty, o sumdyq!  Oǵan aıtyp, qaıran sózdi qor qylýdyń qajeti de shamaly ekenin, boıynda qazaqtyń qany bar ár qazaq jaqsy biledi...

Bir kezde, múmkin, qazir de úlken qyzdyń kanaly bolǵan «Habardy» túsinýden qalǵanymyzǵa qashan?

Osy «Habar» sońǵy kezderi «Habar-stars» degen aty aǵylshynsha,zaty qazaqshasymaq bir shoý habar oılap taýypty. Ony júrgizetinderdiń barlyǵy da beıne bir sırktegi saıqymazaqtardaı, óreskel ári dóreki sóıleıtin jandar eken. Bul da qazaqtyń qazaqty qorlaýy emeı, nemene?

Já, telehabardyń júrgizýshilerin qoıa turyp, osy jobanyń taqyrybyna nazar aýdaryp kóreıikshi. Aǵylshynsha biletin úıdegi nemeremnen surap edim, ol:

-Áke, sony da bilmeısiń be? Ol «Habar-Juldyz» degen sóz,- dep qarap otyr.

Iá, qazirgi jastarǵa ne deısiń. Túsingen bolyp, basymdy ızegen bolyp, óz bólmeme baryp, osy maqalany qolǵa aldym.

Sonda deımin-aý, bizdiń qazaqta «Juldyz» degen ádemi qazaq sózi bola turyp, bular endi orysshany qoıyp, aǵylshansha shúldirleıtin bolǵany ma? Bul da qazaqty qorlaýdyń «jarqyn bir belgisi» emeı, atańnyń basy ma?

 31 telearnaǵy «Qazaqsha konsert» degenniń shyqqanynyn da biraz ýaqyt boldy. Táýelsiz Qazaq memleketinde nege «Qazaqsha konsert» degen bolýy kerek? Sonda olar bizdiń sorly qazaqty músirkegen bolyp, aptasyna bir, ár juma saıyn keshkilik «Qazaqsha konsertterin» beretin bolǵan. Osynyń ózinen-aq, elimizdiń táýelsiz memleket emesin ańǵarý qıyn emes.

Al, endi osy «Qazaqsha konsertti» júrgizetiń uzyndy-qysqaly eki qazaq jigitiniń mas adamdarsha burań-burań etip, aýyzdaryna kelgenderin «ottaýlaryn» qalaı túsinýge bolady? Olar sonda osy telehabardyń atynyń ózi qazaqty qorlap turǵanyn bilmegenderi me? Bolmasa, olarǵa bári bir me? Ulttyq namystan jurdaı bolǵan bizdiń qazaqtyń ana eki júrgizýshisi sıaqtylary da bizdiń ultymyzdy ábden qorlap bitkeni, meniń janymdy aıazdaı qarıdy!

Iá, qurmetti, boıynda ulttyq namystary bar qazaq azamattary!

Biz qashanǵy osy ultymyzdy ashyq úrde qorlalaǵandarǵa tóze bermekpiz, osy?  «Alashtyń» ardaqtysy, Mirjaqyp Dýlattyń «Oıan, Qazaq!» legen uranyn arada júz jyldaı ýaqyt ótkende, táýelsiz memleket atanǵanda, taǵy bir ret bar daýysymmen aıǵaılap aıtqym keledi. Biraq, meniń sol janaıqaıymdy estir qulaq bar ma eken, áýeli?!.

Jumash KÓKBÓRİ,

Almaty qalasy,

20.04.2013 jyl.