QR Premer-Mınıstri Asqar Mamınniń tóraǵalyǵymen ótken QR Úkimetiniń selektorlyq otyrysynda QR Prezıdentiniń "Cyndarly qoǵamdyq dıalog – Qazaqstannyń turaqtylyǵy men órkendeýiniń negizi" Joldaýyn iske asyrý jónindegi Jalpyulttyq is-sharalar josparynyń jobasy qabyldandy, dep habarlaıdy Qamshy.kz aqparat agenttigi. 

Qujat 81 tarmaqtan turady, onyń ishinde myna baǵyttar boıynsha: zaman talabyna saı tıimdi memleket – 11 tarmaq, azamattardyń quqyqtary men qaýipsizdigin qamtamasyz etý – 15 tarmaq, qarqyndy damyǵan jáne ınklúzıvti ekonomıka – 27 tarmaq, áleýmettik jańǵyrýdyń jańa kezeńi – 18 tarmaq, qýatty óńirler – qýatty el – 10 tarmaq.

"Barlyq memlekettik organdar men ákimdikter atalǵan qujatty Prezıdent maquldaǵannan keıin birden alǵa qoıylǵan mindetterdi oryndaýdy bastaýy kerek. Biz alǵa qoıylǵan mindetterdi tıimdi sheshý boıynsha úılesken jumysty qamtamasyz etýimiz qajet", – dedi A. Mamın.   

Memleket basshysynyń Joldaýyn iske asyrý jónindegi Jalpyulttyq is-sharalar josparynyń qabyldanǵan jobasy QR Prezıdenti Q. Toqaevqa bekitýge jiberiledi.