7 qyrkúıekte Atyraýdaǵy Isataı men Mahambet alańynda 30-ǵa jýyq adam jınalyp, «qytaı ekspansıasyna qarsy» narazylyq bildirdi. Olar sondaı-aq jazasyn ótep jatqan qoǵamdyq belsendi Maks Boqaevty bosatýdy da talap etti dep jazady Qamshy.kz aqparat agenttigi azh.kz saıtynyń deregin negizge alyp.
— Muny eshkim uıymdastyrǵan joq. Alańǵa elimizde bolyp jatqan keleńsizdikterge beı-jaı qaraı almaıtyn azamattar jınaldy,- deıdi B. Muhanalıev.
Atyraýlyqtar bılike eki talap qoıyp otyr.
— Eki talap. Birinshisi - Qazaqstan aýmaǵynda salynatyn 55 qytaı zaýytynyń qurylysyna jol bermeý. Ekinshisi – jazyqsyz sottalǵan, óz eliniń naǵyz patrıoty Maks Boqaev baýyrymyzdyń bosatylýy. Ol azamattyń saıası oıyndardyń qurbany bolyp, jazyqsyz túrmede otyrǵany bárimizge aıan. Bılik alańǵa shyǵyp sóıleıtin, júregi elim dep soqqan azamattardyń aýyzdaryn jaýap tastady. Munyń bári, aınalyp kelgende, táýelsizdigimizden aıyrylyp qalý qaýpin týdyrady emes pe?
Qatysýshylardyń aıtýynsha, bulardy alańda polısıa men UQK qyzmetkerleri baqylap turǵan, alaıda ustaýǵa jáne taratýǵa áreketter jasamaǵan.
Sondaı-aq mıtıńke shyqqandardyń biri qytaıǵa turmysqa shyqqan qazaq qyzdary azamattyǵynan aıyrylsyn degen talap qoıyp otyr.
Alańǵa Atyraý oblystyq İshki saıasat basqarmasynyń basshysy Jasulan BISEMBIEV kelip, bizdiń jınalýymyz "aldyn-ala kelisilmegen" zańsyz mıtıń ekenin aıtty. Barlyǵymyzdy oblystyq ákimdikke shaqyryp, talaptarymyzdy qaǵaz júzinde tapsyrýymyzdy surady,- deıdi Muhanálıev. - Biz kelisip, talaptarymyzdy jazbasha bildirdik, sondaı-aq, 21 qyrkúıekte ortalyq alańda beıbit mıtıń ótkizýge ótinish jazdyq. Ótinishke 4 adam qol qaıdy. Qasymyzda bolǵan áıel adam 19 qyrkúıekte jalǵyz adamdyq pıketke shyǵý týraly ótinish jazdy. Jaýap kútemiz.
