27 qyrkúıek kúni, saǵat 16.00-de Almatydaǵy Qazaqstan Jazýshylar odaǵynyń ǵımaratynda aqyn, aýdarmashy Júkel Hamaıdyń "Shópten týyp, shópke sińemin..." atty shyǵarmashylyq keshi ótedi dep jazady Qamshy.kz aqparat agenttigi. 

Júkel Hamaı Abaı Qunanbaıulynyń tolyq shyǵarmalaryn Mońǵol tiline kórkem aýdarǵany úshin Túrik tildes halyqtar İİ poezıa festıvaliniń laýreaty atanǵan. 

«Shýaqty sezim» (1986), «Jylý, sáýle» (1987), «Topyraq-tozań» (1989), «Aqtyq sóz» (1992) ujymdyq jınaqtaryna óleńderi engen.

Quran súrelerin, Abaıdyń qara sózderi men óleńderin, Seıithan Ábilqasymulynyń «Qara boran» romanyn, M.Egeýhannyń «Arý armany» jınaǵyn, Mahambet Ótemisúlynyń jyrlaryn, Muhtar Maǵaýınniń «Shyńǵys hannyń sharapaty» shyǵarmasyn, Jambyl Jabaev, Aqyt Úlimjiuly, Maǵjan Jumabaev, Múqaǵalı Maqataev, Tólegen Aıbergenov, Jumeken Nájimedenov, Oljas Súleımenovtiń shyǵarmalaryn Mońǵol tiline aýdarǵan.