Qazaqstan prezıdenti Qasym-Jomart Toqaev eldiń birneshe memlekettegi elshilerin aýystyrý týraly jarlyq shyǵardy dep jazady Qamshy.kz aqparat agenttigi. Toqaevtyń taǵaıyndaý týraly jarlyqtary Aqorda saıtynda jarıalandy. 

Prezıdenttiń jarlyǵymen Ázirbaıjan, Portýgalıa, Rýmınıa, Vengrıa, Serbıa, Izraıl, Bahreın, Mánma memleketerine Qazaqstannyń elshisi jańadan taǵaıyndaldy. 

"Serjan Oralbaıuly Ábdikárimov Qazaqstannyń Ázerbaıjandaǵy tótenshe jáne ókiletti elshisi bolyp taǵaıyndaldy, ol Qazaqstannyń Chehıadaǵy tótenshe jáne ókiletti elshisi, Qazaqstannyń Slovakıadaǵy tótenshe jáne ókiletti elshisi qyzmetin qosa atqarýdan bosatyldy;

Dáýlet Qasekenuly Batyrashev Qazaqstannyń Portýgalıadaǵy tótenshe jáne ókiletti elshisi bolyp taǵaıyndaldy, ol Qazaqstannyń Rýmynıadaǵy tótenshe jáne ókiletti elshisi qyzmetinen bosatyldy;

Nurbah Turaruly Rústemov Qazaqstannyń Rýmynıadaǵy tótenshe jáne ókiletti elshisi bolyp taǵaıyndaldy, ol Qazaqstannyń Vengrıadaǵy tótenshe jáne ókiletti elshisi qyzmetinen, Qazaqstannyń Serbıadaǵy, burynǵy Iýgoslavıanyń Makedonıa Respýblıkasyndaǵy tótenshe jáne ókiletti elshisi qyzmetin qosa atqarýdan bosatyldy;

Jánibek Jarasqanuly Ábdrashov Qazaqstannyń Vengrıadaǵy tótenshe jáne ókiletti elshisi bolyp taǵaıyndaldy;

Ǵabıt Ábdimájıtuly Syzdyqbekov Qazaqstannyń Serbıadaǵy tótenshe jáne ókiletti elshisi bolyp taǵaıyndaldy;

Satybaldy Eresuly Burshaqov Qazaqstannyń Izraıldegi tótenshe jáne ókiletti elshisi bolyp taǵaıyndaldy;

Qazaqstannyń Saýd Arabıasy Koróldigindegi tótenshe jáne ókiletti elshisi, Qazaqstannyń Islam yntymaqtastyǵy uıymy janyndaǵy turaqty ókili Berik Saqbaıuly Aryn Qazaqstannyń Bahreındegi tótenshe jáne ókiletti elshisi qyzmetin qosa atqarýshy bolyp taǵaıyndaldy;

Qazaqstannyń Taılandtaǵy tótenshe jáne ókiletti elshisi Raýshan Kákimseıitqyzy Esbolatova Qazaqstannyń Mánmadaǵy tótenshe jáne ókiletti elshisi qyzmetin qosa atqarýshy bolyp taǵaıyndaldy", - delingen Toqaevtyń jarlyǵynda.