Elordada qazaqtyń úsh arysy – Sáken Seıfýllın, İlıas Jansúgirov jáne Beıimbet Maılınge eskertkishter qoıylady.

Bul týraly Nur-Sultan qalasy ákiminiń orynbasary Baqtıar Máken "Meniń tilim – uly dala rýhy" HHİ qalalyq til festıvalinde málim etti.

"Abaıdyń 175 jyldyq mereıtoıyna arnalǵan sharalar bastalyp ketti. Sonyń aıasynda tuńǵysh ret elordamyzda №87 Abaı atyndaǵy mektepti ashtyq. Ál-Farabıdiń 1150 jyldyǵyna oraı, onyń esimin Oqýshylar saraıyna berý josparlanǵan. Bıyl halyqaralyq deńgeıdegi Jazýshylar konferensıasy ótti. Sonyń aıasynda Abaı dańǵylynda Jazýshylar aleıasyn saldyq. Sol aleıada úsh arys – Sáken Seıfýllın, İlıas Jansúgirov, Beıimbet Maılınniń 125 jyldyǵyna oraı eskertkishter ornatylady. Ózge de tulǵalardy ulyqtaý úshin bilim-ǵylym oshaqtaryna belgili qaıratkerlerdiń esimin berýdi jalǵastyramyz", – dedi qala ákiminiń orynbasary.

Aıta keteıik, "Til týraly" zańnyń qabyldanǵanyna 30 jyl tolýyna oraı, elordada memlekettik tildiń qoldanylý aıasyn keńeıtip, onyń ultaralyq qatynas quralyna aınalýyna sińirgen eńbegi úshin bir top til janashyry marapattaldy.

Aıjan Serikjanqyzy

QazAqparat