Jambyl oblysynda memlekettik qyzmetkerlerge arnalǵan Jastar kadr rezervi konkýrsynyń talaptary men tirkeý tártipteri túsindirilýde dep jazady Qamshy.kz aqparat agenttigi.

Osy maqsattaǵy jıynnyń biri Baızaq aýdanynda ótti. Basqosýda Qazaqstan Respýblıkasy Memlekettik qyzmet isteri agenttiginiń Jambyl oblysy boıynsha departamenti basshysynyń mindetin atqarýshy Nurlan Erkebaev pen atalmysh departamenttiń memlekettik qyzmet basqarmasynyń bas mamany Saıat Tólepbergenov memlekettik qyzmet, jeke jáne kvazımemlekettik sektor salasyndaǵy jastarmen kezdesti.

Basqosýdy aýdan ákimi apparatynyń basshysy Baqtıar Aqbaev ashyp, memlekettik apparattyń tıimdiligin odan ári arttyrý boıynsha jumystar el Prezıdentiniń saılaýaldy baǵdarlamasynda aıtylǵan tásilderdi iske asyrý aıasynda jalǵasyp jatqanyn alǵa tartty. Sonymen qatar, Memleket basshysynyń tapsyrmasymen Prezıdenttik jastar kadrlyq rezervin qalyptastyrý boıynsha jumystar bastalyp ketkenin, osy maqsatta ótkizilip otyrǵan kezdesýdiń mańyzdylyǵyna toqtaldy.

Prezıdenttik Jastar kadrlyq rezervin qalyptastyrý jáne konkýrs sharttary men mindetterin kezeń-kezeńmen pysyqtaý maqsaty keńinen talqylanǵan kezdesý barysynda Qazaqstan Respýblıkasy Memlekettik qyzmet isteri agenttiginiń Jambyl oblysy boıynsha departamenti basshysynyń mindetin atqarýshy Nurlan Erkebaev óńir jastaryna zor úmit artylyp otyrǵanyn jáne olar aldaǵy reformalardyń qozǵaýshy kúshi bolýy kerektigin atap ótti.

Prezıdenttik jastar kadr rezervi – belsendi jastar úshin aldaǵy elde bolatyn oń ózgeristerge bilimi men eńbegin jumsaýǵa múmkindik beretin tarıhı naýqan. Aıta ketetin jaıt, rezervke alynǵan jastarǵa aldaǵy 5 jyl ishinde memlekettik eń joǵary basqarýshylyq laýazymdar usynylady. Atap aıtqanda, rezervke alynǵan azamattarǵa mınıstr jáne olardyń orynbasarlary, jaýapty hatshy, oblys ákimi men orynbasarlary, apparat basshylary, komıtet tóraǵalary, ulttyq kompanıa men holdıń tóraǵalary jáne músheleri, sondaı-aq, aýdan, qala ákimi laýazymdaryna ornalasýǵa múmkindik beriledi.

- 2019 jyldyń 1-30 qyrkúıegi aralyǵynda júrgiziletin qujat qabyldaý kezeńine barlyq salada keminde 5 jyl jumys ótili bar, 35 jasqa tolmaǵan elimizdiń joǵary bilimdi azamaty úmitker bola alady. Rezerv jedel sheshim qabyldaýǵa qabiletti, qubylmaly jumys jaǵdaılaryna jyldam ıkemdele alatyn “jańa formasıa” basshylary bola alatyn memlekettiń joǵary basqarýshylyq qyzmetterine áleýetti úmitkerlerdi biriktiretin bolady. İrikteýdiń barlyq satylarynan ótip, rezervtegiler tizimine enetinder

taǵaıyndalýy múmkin basqarýshylyq laýazymdar spektri barynsha aýqymdy. Bul týraly bizdiń Agenttik azamattardy jetkilikti aqparattandyrdy. Bul aqparat arnaıy iske qosylǵan pkrezerv saıtynda da jarıalanǵan. Rezervke ený faktisiniń ózi memlekettik laýazymǵa taǵaıyndalý kepildigin bermeıdi.Tıisti bos oryn bolǵan jaǵdaıda bul qyzmetke Jastar kadrlyq rezevri jónindegi ulttyq komısıa Rezervte turǵan tulǵany usyna alady. Taǵaıyndaýlar Rezervke engizilgen tulǵalar arasynan da, Qazaqstan Respýblıkasynyń zańnamasynda belgilengen tártippen basqa da tulǵalar arasynan da bolýy múmkin - dedi Nurlan Erkebaev.

Kezdesý sońynda Nurlan Táńirberdiuly baızaqtyq jastardy «Jastar jyly» aıasynda berilgen aıryqsha múmkindik pen naqty qoldaý arqyly halqymyzǵa adal qyzmet etýge daıyn, daryndy, bilimdi jáne tájirıbeli jastardy irikteýge arnalǵan jańa jobaǵa qatysýǵa shaqyrdy.