Tájirıbe kórsetkendeı, naqty «problemalyq baǵyttarǵa» kóńil bólý jáne olardy sheshý sybaılas jemqorlyqty aldyn-alýdyń eń tıimdi ádisteriniń biri bolyp tabylady.

Alaıda, kópshilikke málim, búginde eldegi joldardyń sapasy «problemalyq aımaqta» jáne únemi halyqtyń nazarynda.

Sońǵy bes jyldyń ózinde respýblıkalyq búdjetke sáıkes avtomobıl joldaryn salýǵa, qaıta qurýǵa jáne kútip ustaýǵa shamamen 1,8 trln. teńge bólingen (2014 jyly - 286 mlrd. teńge, 2015 j. - 347 mlrd. teńge, 2016 j. - 389 mlrd. teńge, 2017 j. - 434 mlrd. teńge, 2018 j. - 378 mlrd. teńge).

Sonymen birge, osy baǵyttaǵy memlekettik qoldaýdyń barlyq sharalaryna qaramastan, olardyń is júzinde iske asyrylýy árdaıym úmitke saı emes.

Nátıjeside, Dúnıejúzilik ekonomıkalyq forýmnyń 2018 jylǵa arnalǵan Jahandyq básekege qabilettilik reıtıńisine sáıkes Qazaqstan jol sapasy boıynsha álemniń 140 eliniń ishinde tek 106 oryndy ıelendi. (2015 j. - 107/140, 2016 j. - 108/138, 2017 j. - 115/137).

Bul jaǵdaı osy salada jobalyq basqarý prınsıpterin engizýdi qajet etti.

           Osy oraıda, avtomobıl joldarynyń sapasyn saraptaý salasynda sybaılas jemqorlyqtyń aldyn alýǵa baǵyttalǵan tıimdi tetikter men rásimderdi qamtamasyz etý maqsatynda «Sapaly jol – adaldyq alańy» jobalyq keńsesi jumys isteıdi.

    Oblysta «Sapaly jol – Adaldyq  alańy»   jobasy aıasynda                               QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń uıymdastyrýymen avtomobıl joldary jáne kóliktik baqylaý salasyndaǵy joldardy salýǵa jáne jóndeýge bólingen búdjet qarajatynyń tıimdi jumsalýyna keshendi monıtorıń  jumystary júrgizildi. Shara «Ulttyq jol aktıvteri sapasy ortalyǵy» RMK Aqtaý qalasy boıynsha fılıaly, buqaralyq aqparat quraldary jáne Arnaıy monıtorıńtik top ókilderiniń qatysýymen ótti.     

 Monıtorıń barysynda Jańaózen –Senek jáne Jyńǵyldy – Shaıyr - Sherqala avtojol qurylysynyń  sapasyna baqylaý jumystary júrgizildi.

         Nátıjesinde, jol sapasynyń  quramy men standarttarǵa sáıkestigin anyqtaý barysynda jol synamalary arnaıy zerthanaǵa tekseriske berildi. Atalǵan jumys óńirdiń barlyq jol salý nysandarynda júrgiziledi.

Sondaı-aq, departament mamandary qatysýymen júrgizilgen tekserýde júk kólikteriniń shamadan tys júk tıegen faktileri anyqtalǵan.  BAQ ókilderiniń qatysýymen monıtorıń  monıtorıń barysynda Jetibaı-Aqtaý tas jolynda Jetibaı karerinen alynǵan tas tıegen  júk kóligi ustalǵan. Tekseris barysynda bul kóliktiń qujattarynyń durys emestigi, sonymen qatar bul kóliktiń normalarǵa saı emes, ıaǵnı júginiń kóp bolýy anyqtaldy. Soǵan baılanysty júrgizýshige jáne mekemeniń basshylaryna qatysty ákimshilik-quqyqtyq hattamalar toltyryldy.