Taldyqorǵan qalasynda Jambyl oblysy Qazaqstan halqy assambleıasy uıymdastyrýymen  etnomádenı birlestikter arasynda «Mádenıetter kaleıdoskoby» atty Jambyl jáne Almaty oblystarynyń «Jańǵyrý joly» jastar qozǵalysynyń  shtaby músheleriniń qatysýymen  óńiraralyq týr ótti dep jazady Qamshy.kz aqparat agenttigi.

Eki oblys jastarynyń kezdesý týry  olardyń boıynda birtutas ortaq qundylyqtardy qalyptastyrýdyń negizi retinde qazaq halqynyń tarıhyn, mádenıetin, fılosofıasyn, etnıkasyn dáripteýge, sondaı-aq Qazaqstan etnostarynyń arasynda «Rýhanı jańǵyrý» baǵdarlamasynyń jobalaryn ilgeriletýge baǵdarlanǵan.   Kezdesýdiń basy Jambyl oblysy ákimi apparatynyń «Qoǵamdyq kelisim» komýnaldyq memlekettik mekemesiniń basshysy Rano Ýbaıdýllaeva jáne Almaty oblystyq Qazaqstan halqy Assambleıasy tóraǵasynyń orynbasary, hatshylyq meńgerýshisi Ǵabıt Tursynbaıdyń izgi tilekterimen bastaldy.

– Bizdiń kelýimizdiń maqsaty - «Rýhanı jańǵyrý» baǵdarlamasy aıasynda jalpy qundylyqtardy qalyptastyrýǵa, qazaq eliniń tarıhyn, mádenıetin, ádebıetin, órkenıetin, dúnıetanymyn Qazaqstan halqy arasynda nasıhattaýǵa baǵyttalǵan «Qazaqtaný» jobasyn júzege asyrý. Óńiraralyq týrdyń negizgi mindetiniń ózi - ulttyq murany nyǵaıtýǵa jáne qazaqstandyq jas býyndarǵa mádenı-rýhanı tárbıe berýge yqpal etý bolatyn. Osy tusta Almaty oblysynyń tarıhy men mádenıetin tanystyrý ekskýrsıasy jambyldyq jastarǵa rýhanı serpilis ári shyǵarmashylyq áleýetin ashady degen senimdemin. Oblystar arasyndaǵy osyndaı birlesken is-sharalar etnomádenı birlestikterdiń tájirıbe almasyp, eki óńirdiń jastary arasynda dostyq qarym-qatynas ornatýǵa múmkindik beredi» - dedi          Rano Mahsýdqyzy óz sózinde.

Sondaı-aq, kezdesý barysynda Jambyl oblysynyń «Janǵyrý joly» jastar qozǵalysynyń atqarǵan jumysy týraly óńirlik shtabtyń belsendisi Alıev Habıb sóz sóılep, jyl boıyndaǵy jolǵa qoıylǵan josparlardyń júıeli nátejıelerimen bólisip, eki oblystyń jastar qanaty tájirıbe almasty. Kezdesý kezinde QR Prezıdentiniń joldaýy boıynsha Jambyl oblysynyń etnomádenı birlestikteriniń músheleri Lıgostaev Artýr men Práhına Rýsalına jáne Almaty oblysynyń ózge etnos ókilderi ózara pikir almasyp, oı qozǵady.

         Óńiraralyq kezdesýde jastar Taldyqorǵan qalasyndaǵy M. Tynyshpaev atyndaǵy tarıhı-ólketaný jáne İ. Jansúgirov atyndaǵy oblystyq ádebıet murajaılarymen tanysty. Sondaı-aq,  Jambyl oblysynyń «Jańǵyrý joly» JQ shtaby músheleri almatylyq aǵaıynǵa tarazdyqtardyń ystyq yqylasyn jetkizý úshin merekelik konsert uıymdastyrdy. Almaty qalasynyń «Jańǵyrý joly» JQ ókilderi jambyldyqtardy Almaty oblysy, Úshtóbe qalasyndaǵy «Qazaq halqyna alǵys!» ataýmen deportasıalanǵan etnostardyń rızashylyǵy retinde salynǵan eskertkishpen tanystyrdy. San jyldyq tarıhtan syr sherter eskertkish jastardyń nazaryna erekshe ilindi. Sonymen qatar, kezdesý kezinde jastar Almaty oblysy, Qaratal aýdanyndaǵy Kemel Toqaev atyndaǵy saıabaqqa saıahat ta jasap úlgerdi.

         Kezdesý sońynda jastar óńiraralyq týrdan alǵan áserlerin ortaǵa saldy. Jambyl oblysy «Jańǵyrý joly» jastar qozǵalysynyń belsendisi Habıb Alıev týrdan alǵan áserimen bólisip, adaǵy ýaqytta da osyndaı ıgi bastamalar jalǵasyn taýyp, tájirıbe almassaq eken degen tilegin de jasyrmady.

         Jastarǵa jańasha múmkindikter syılap, tájirıbelerin eselegen, tanym-tynystaryn keńeıtken týrdyń sońy eki oblystyń bir-birlerine estelik syılyqtar tabystaýmen támamdaldy. Bir eldiń balasyndaı, bir qoldyń salasyndaı jumyla jumys istese alynbas asý joǵyn bilgen jastar atalǵan jıynnan erekshe áser alyp qaıtty.