Keshegi Qazaqstan Respýblıkasy Parlamenti Májilisiniń  Tóraǵasy Nurlan Nyǵmatýlınniń basshylyǵymen ótken   jalpy otyrysta    depýtat Tursynbek Ómirzaqov Qazaqstan Respýblıkasynyń Premer-Mınıstri Serik Ahmetovke depýtattyq saýal joldady.

Astana, Almaty jáne elimizdiń basqa da qalalaryndaǵy retteletin kóshe qıylystarynyń ótkizý qabilettiligin ulǵaıtý problemasy qazirgi tańda ózekti bolyp tabylady jáne adekvatty sheshimdi talap etedi. Qazaqstanda bul másele negizinen jer ústi jáne jer asty kópirler túrindegi ınjenerlik jáne ózge de qurylystarymen sheshiledi.Kóshe qıylystarynyń ótkizý qabilettiligin tek qana ınjenerlik tásilder arqyly, ıaǵnı shyǵyndy ádistermen ulǵaıtý Prezıdenttiń búdjet qarajattaryn tıimdi paıdalaný boıynsha qoıǵan talaptaryna sáıkes kelmeıdi.Astana qalasynda is júzinde baǵdarshamnyń qyzyl túsiniń janýy barysynda ońǵa burylýǵa ruqsat etilgen. Astanada kárizdik qozǵalystyń engizilip jatqany belgili, bul, árıne janarmaıdy únemdetedi jáne osy jerlerden ótetin kólikterdiń sanyn ulǵaıtady. Nátıjesinde jaıaý júrginshiler bir joldy kesip ótýdiń ornyna eki birdeı júrginshiler ótkelinen júgirip ótýleri tıis.

Astanada osyndaı kárizdik kóshe qıylysynyń quny mamandardyń - QR İİM-niń Jol polısıasy komıteti ofıserleriniń baǵalaýy boıynsha - 700 myń AQSH dollarynan bastalady, al kóshe qıylystaryn jerlerdi bólip berý jáne ǵımarattardy buza otyryp jaıǵastyrý barysynda olardyń quny mıllıondaǵan dollarǵa jetedi.Elimizdiń Prezıdenti óziniń Joldaýynda 2015 jylǵa deıin tabys deńgeıi joǵary elderdiń qataryna ený mindetin qoıdy. Álemdegi tabys deńgeıi  joǵarǵy memleket AQSH Jol júrý erejesin qoldanady, oǵan sáıkesbaǵdarshamnyń týra júrýge tyıym salý sıgnaly boıynsha ońǵa burylýǵa ruqsat etilgen. Osy sekildi ereje sonymen qatar Kanadada, Jańa Zelandıada, Eýropada Germanıada, Azıa elderiniń kóbinde – Indıa, Ońtústik Koreıa jáne Qytaıda, TMD elderinde – Ýkraına men Lıtvada qoldanylady. Jaqyn arada osy erejeni eksperıment retinde Reseıdiń Máskeý jáne Belgorod qalalaryna engizý josparlanyp otyr. QR Jol júrý erejesine atalǵan ózgeristi engizý máselesi meniń tarapynan Astana qalasy máslıhatynyń depýtaty retinde osydan jeti jyl buryn jol polısıasy qyzmetkerleriniń aldynda qoıylǵan. Qazirgi tańda óz basym ózderiniń aty-jónderin aıtpaýdy qalaǵan QR İİM-niń Jol polısıasy komıtetiniń basshylaryna ótinish jasadym. Olar bizdiń qazaqstandyq júrgizýshiniń erekshe «qalyptan tys» dilge ıe, qazaqstandyq júrgizýshi eń tártipsiz, qazaqstandyqtar mádenıet deńgeıi boıynsha damyǵan amerıkandyqtar men nemister deńgeıine áli pisip jetilmegeni jóninde meni sendirip otyr, al olar ózderin ındýstarmen, qytaılarmen jáne bizdiń ýkraındarmen salystyrǵylary kelmeıdi. Osy máseleniń sheshilýiniń keleshegi joqtyǵyn olar 1968 jylǵy BUU Vena konvensıasymen túsindirýge talpyndy, alaıda oǵan qoıylǵan qol Germanıa úshin óziniń ulttyq saıasatyn júrgizýge kedergi keltirmeıdi. Vena konvensıasynda jazylǵandardyń barlyǵy – usynystar. QR Jol júrý erejesin osy baǵytta ózgertýge qandaı da bir áreket turarlyq qaǵazbastylyqqa ákeletini týraly pikir qalyptasty. Alǵash ret osy ıdeıa 30-jyldary AQSH paıda bolyp, ol Uly Depressıaǵa baılanysty boldy. Janarmaı shyǵynyn azaıtý basty maqsat etip qoıyldy, bul tańqalarlyq nátıje berdi – janarmaı shyǵyny 30%-ǵa tómendedi jáne keptelistiń 35% tómendeýi retinde qosymsha oń nátıje aldy.Baǵdarshamnyń qyzyl shamyna ońǵa burylýǵa tyıym salýdyń kúshin Depýtattar joıa almaıdy, óıtkeni mundaı tyıym salý Qazaqstan Respýblıkasy Úkimeti bekitken Jol Júrý Erejesimen retteledi.

Qurmetti Serik Nyǵmetuly, QR İİM atalǵan máseleni jaqyn arada pysyqtaý týraly arnaıy tapsyrma berýińizdi, álemdik tájirıbe jáne elimizdiń kóshe qıylystarynyń ótkizý qabilettiligin shyǵynsyz ádistermen ulǵaıtý negizinde QR Jol Júrý Erejesine ózgerister engizý múmkindigin qarastyrýdy suraımyn.

QR Parlamenti Májilisi Apparatynyń  Baspasóz qyzmeti