Burynǵy qaqpashy Ilá Baıterákov Shyǵys Qazaqstan oblysyndaǵy tasjolda apatqa ushyrady. Onyń ákesi men uly kóz jumdy, Ilányń ózi aýrýhanaǵa tústi dep habarlaıdy Qamshy.kz aqparat agenttigi.
Bul týraly jýrnalıs Aıdyn Qojahmet "Burynǵy qaqpashy Ilá Baıterákov otbasymen birge jantúrshigerlik apatqa ushyrady. Ilányń ózi júrgizgen kólik Semeı-Óskemen tasjolynda aýdarylyp ketken. 35 jastaǵy eks-fýtbolshynyń kishi uly men ákesi birden qaıtys boldy. Ilá men tuńǵysh uly aýyr halde jatyr", - dep óziniń Telegram kanalynda jazdy.
Onyń aıtýynsha, Ilá Baıterákov komada. Apat kezinde fýtbolshynyń anasy men áıeli de zardap shekken.
Ilá Baıterákov ár jyldary "Semeı", "Energetık", "Qazaqmys", "Aqjaıyq", "Vostok", "Atyraý" fýtbol klýbtarynda oınaǵan. Qazaqstannyń joǵary lıgasynda 45 mach ótkizip, 86 gol jibergen. Birinshi lıgada shamamen 150 machqa qatysqan.
Pikir qaldyrý