Elbasy Nursultan Nazarbaevtyń «Prezıdenttiń bes áleýmettik bastamasy» atty halyqqa úndeýinde kópshilikti mazalap júrgen, turǵyndardyń ál-aýqatyn jaqsartýǵa baǵyttalǵan ózekti mindetter qoıylyp otyrǵany qýantty. Besinshi bastamada eldi gazben qamtamasyz etýdi jalǵastyrý jaıy sóz bolǵan.

Osy oraıda, Elbasynyń «Eldi gazben qamtamasyz etýdi jalǵastyrý» áleýmettik úndeýi sheńberinde oblysta bekitilgen is-sharalar jospary júıeli júzege asyrylýda. Nátıjesinde, birqatar eldi mekender kópken kútken kógildir otynǵa qosylýda.

Jalpy, oblysta 377 eldi meken bar. Onyń gazdandyrylǵany 181, nemese 48 paıyzy. Bolashaqta 2019-2027 jyldary gazdandyrylatyny 196 eldi meken, nemese 100 paıyz.

Sońǵy 10 jyl ishinde gazdandyrylǵany 133 eldi meken.

2019 jyly eldi mekenderge gaz keltirý qubyrynyń qurylysna Respýblıkalyq jáne oblystyq búdjetten 6,1 mıllıard teńge bólindi. Bul jobalar tolyq iske asqan kezde 5 aýdannyń 81 eldi mekeninde turatyn 101 myń adamnyń jaǵdaıy jaqsaratyn bolady.

Atap aıtqanda, Shý aýdanynyń 18 eldi mekeninde 22 130 adam, Jambyl aýdanynyń 13 eldi mekeninde 12 631 adam, Jýaly aýdanynyń 15 eldi mekeninde 9 457 adam gazǵa qosylady. Sondaı-aq, Sarysý aýdany Jańatas qalasyna deıin salynatyn gaz keltirý qubyrynyń qurylysna 3 mıllıard teńge bólindi. Osylaısha, aýdannyń 14 eldi mekeninde 39 539 adam kógildir otynmen qamtylmaq. Jańatas qalasyna deıin tartylatyn qubyr qurylysyna 2020 jyly qalǵan 4,7 mıllıard teńge josparlanǵan.

Onyń ishinde tek qana respýblıkaǵa qaramaı, Baızaq aýdanynyń 21 eldi mekenine gaz keltiretin qubyr qurylysyna oblystyq búdjetten 1,3 mıllıard teńge 21 eldi mekeninde 17 241 adamǵa gaz qubyryn tartýǵa bólindi.

Eldi mekenderdiń ishinde gaz taratatyn qubyr qurylysyna jobalyq-smetalyq qujattardy daıyndaýǵa 2019 jyly oblystyq búdjetten 52 820 myń teńge bólinip, 5 238 adamdy ortalyqtandyrylǵan gaz torabyna qosý qarastyrylýda. Nátıjesinde Jambyl aýdanynyń 5 eldi mekeninde, Jýaly aýdanynyń 7 eldi mekeninde, Shý aýdanynyń 2 eldi mekeninde ga júrgiziledi.

Jyl sońyna deıin 9 eldi mekendi (Talas aýdany – 5 eldi meken, Sayrsý aýdany – 4 eldi meken) ortalyqtandyrylǵan gaz torabyna qosyp, gazdandyrylǵan eldi meken sanyn 190 jetkizý boıynsha jumys júrgizilýde, úlestik sany 50 paıyzdy quraıtyn bolady.