Fransıada "11 qyrkúıek" lańkestik áreketine uqsas oqıǵanyń joly kesildi

/image/2019/10/18/crop-294_1_900x1600_world-trade-center-1000.jpg

Fransıanyń quqyq qorǵaý organdary 2001 jyly 11 qyrkúıek kúni Nú-Iorkte oryn alǵan lańkestik áreketke uqsas qylmys jasamaq bolǵan adamdy ustady. Bul týraly France 2 telearnasyna eldiń ishki ister mınıstri Krıstof Kastaner málimdegen, dep jazady informburo.kz.

Jasalmaq bolǵan iri lańkestik árekettiń joly qyrkúıek aıynda kesilgen. Kúdikti ushaqty aıdap ketýdi josparlapty. Arnaıy qyzmet ókilderi ony birneshe aı boıy baqylaǵan. Ol áleýmettik jeli kómegimen ózine sybaılas izdegen.

30 jastaǵy kúdikti O-de-Sen qalasynda turǵan Fransıa azamatty.

Krıstof Kastanerdiń aıtýynsha, bul – 2013 jyldan beri joly kesilgen 60-ynshy lańkestik áreket.

Al 2011 jylǵy 11 qyrkúıektegi lańkestik oqıǵaǵa baılanysty sot áli jalǵasýda. Kezekti sot prosesi 2021 jyly Gýantanamo áskerı bazasynda ótedi. Kúdikti bes adamǵa ólim jazasy suralmaq. Uıymdastyrýshy retinde kúdikke ilingen Halıd Sheıh Muhammed pen onyń 4 sybaılasy 2002, 2003 jyldary Pákistanda ustalǵan bolatyn. Búginge deıin olar Ortalyq barlaý basqarmasynyń qupıa túrmelerinde otyr.

Fransıada "11 qyrkúıek" lańkestik áreketine uqsas oqıǵanyń joly kesildi

Pikir qaldyrý

Qatysty Maqalalar