Búginde shaǵyn jáne orta bıznesti damytýǵa bar múmkindik bar. Memleket tarapynan jandanyp jatqan jobalar da, baıandy baǵdarlamalar da dittegen maqsatyn oryndaýda. Sondaı-aq «Bıznestiń jol kartasy 2020» memlekettik baǵdarlamasy aıasynda grantqa ıe bolyp jatqan jandardy sany artýda. Mundaı kásipkerlerge qamqorlyq Jambyl oblysynda da keń kórinis tabýda Atap aıtsaq, Jambyl oblysy ákimdiginiń kásipkerlik jáne ındýstrıaldy, dep jazady Qamshy.kz aqparat agenttigi.  ınovasıalyq damytý basqarmasy «Bıznestiń jol kartasy 2020» memlekettik baǵdarlamasy sheńberinde kásipkerlerdiń jańa bıznes-ıdeıalaryn júzege asyrý úshin ótkizilgen memlekettik granttyq qarjylandyrý boıynsha jalpy konkýrstyń nátıjesin shyǵaryp úlgerdi. Tarqatsaq, konkýrsqa qatysý úshin barlyǵy 46 ótinim, onyń ishinde 3 múmkindigi shekteýli azamattardan túsken. Taraz qalasynan – 27 joba, onyń ishinde 2 múmkindigi shekteýli azamattar, Sarysý aýdanynan – 12 joba, Jýaly aýdanynan – 2 joba, onyń ishinde 1 múmkindigi shekteýli azamat, Baızaq aýdanynan – 2 joba, T.Rysqulov aýdanynan – 1 joba, Shý aýdanynan –1 joba, Moıynqum aýdanynan – 1 joba qaralǵan.

Konkýrstyq komısıanyń 1 otyrysy ótip, olardyń nátıjesi boıynsha komısıa músheleri ár jobany jeke – jeke tyńdap, sheshimderin hattamalarǵa qol qoıý rásimi arqyly rásimdegen.

Komısıa músheleriniń sheshimi boıynsha 6 kásipker 12,5 mıllıon teńgege grant ıegerleri atandy. Taraz qalasynan 10,5 mıllıon teńgege 5 joba maquldandy, ashylatyn jumys oryndarynyń sany 12 jáne Moıynqum aýdanynan 2 mıllıon teńgege 1 joba maquldanyp, 3 jumys oryny ashylatyny belgili boldy.

Qazirgi tańda jalpy konkýrstan jeńimpaz atanǵan kásipkerlerge konkýrstyq komısıanyń sheshimi týraly habarlamalardy joldaý jumystary aıaqtalyp, baǵdarlamanyń úılestirýshisi qarjy agenttigi jáne shaǵyn kásipkerlik sýbektisi arasynda grant berý týraly sharttar rásimdelýde.

Mine osylaısha úmitkerlerdiń úmiti aqtalyp, óz kásibin ashýǵa múmkindik týýda. Ásirese 1 ǵana joba usynǵan shalǵaıdaǵy Moıynqum aýdanynyń azamatynyń bastamasy qoldaý taýyp, 2 mıllıon teńgege qol jetkizip jatqany qýantady. Biz atalǵan ólkeniń kásipkeri memlekettiń osyndaı qarjysyn tıimdi paıdalanady dep senemiz.