Búgin memleket jáne qoǵam qaıratkeri, "Serpin" ulttyq jobasynyń tóraǵasy Murat Ábenov myrzamen kezdesip, atalmysh joba aıasynda shetelden keletin etnıkalyq qazaq jastaryn Soltýstik aımaktarǵa tartý, oqytý, jumyspen qamtamasyz etý jóninde aqyldastym. Bul másele jóninde Murat aǵamyz ózi de birazdan beri oılanyp júr eken. Ary qaraı ańgimemiz jarasyp, buıyrsa, biraz sharýalar jasaýǵa kelistik. Alǵashqy adymda onyń naqtyly jobasyn ázirleý kerektigine toqtaldyq.
«Bilim týraly» Qazaqstan Respýblıkasynyń Zańynyń 66-babynda «1.Qazaqstan Respýblıkasynyń azamattary bolyp tabylmaıtyn ulty qazaq adamdardyń Qazaqstan Respýblıkasynda bilim alýǵa quqyǵy bar. 2.Memleket sheteldegi qazaq dıasporasynyń bilim alý qajettilikterin qanaǵattandyrýǵa járdemdesedi» dep ashyq jazylǵan. Soǵan saı, Úkimet ár jyly shetelden keletin 1400 balaǵa dep arnaıy grant bóledi.
Onyń ústine, Elbasy tapsyrmasymen Úkimet oralmandardy qonystandyrýda basymdyq beriletin bes oblysty belgilegenin bilesizder. Májiliste talqylanyp jatqan "Halyqtyń kóshi-qony týraly" jańa zań jobasynda atalǵan aımaqtarǵa qonystanatyn aǵaıyndarǵa jeńildikter qarastyrylǵan.
Bir qyzyǵy, budan burynǵy jyldary sol daıyndyq bólimderinde oqıtyn oralman stýdentterdi onsyzda halqy lyqsyp otyrǵan Ońtústik oblystarǵa ornalasqan JOO-na bólip kelgen.
Murat Abdýlamıtulyna osy jaǵdaılardy baıandap berdim.
Biz sol daıyndyq bólimderge keletin qazaq jastaryn da osy "Serpin" baǵdarlamasynyń aıasyna berip, olardy kelgen bette birden halqy shalań, jumys kúshi jetispeıtin Soltústik aımaqtarǵa jibergen durys degen pikirge toqtadyq. Ol úshin Bilim mınıstrliginiń kelisimi kerek.
Bulaı bolǵanda jańa kelgen jastar bytyramaı, deldaldarǵa da jem bolmaı, bir ortalyqtan basqarylatyn edi...
Tipti qazirdiń ózinde "Serpin" basshysy on ul, on qyz - jıyny jırma balany Astana mańyndaǵy kolejen oqytýǵa azir ekenin aıtty. Oqý tegin, jataq jane úsh mezgil tamakpen qamatamasyz etedi. Shart - "Serpinde" kórsetilgen oblystardan bolý kerek. Oqyǵysy keletinder jekeme habarlasýyna bolady.
Aýyt Muqıbek, facebook
